Rusiyanın Ermənistanda yerləşən 102 saylı hərbi bazasında növbəti qalmaqallardan biri baş verib
Ermənistan mediasının verdiyi xəbərə görə, noyabrın 12-də Gümrü polisinin Kumayri deyilən bölməsinə iki-üç şəxsin iştirakı ilə keçən dava-dalaş barədə məlumat daxil olub.
Hadisə Gümrü şəhərinin Mzmanyan küçəsində baş verib.
Yerli polis bunların 102 saylı hərbi bazanın hərbi qulluqçuları olduğunu təsbit edib. Konkret olaraq isə 21-ci artilleriya diviziyasının rabitəçisi (Vladislav Romadin) və həmin hərbi bazada qulluq göstərən sürücü (Dmitri Krasnin) bir-birini vururmuşlar.
Hərbi qulluqluçulaırn sərxoş vəziyyətdə olması vəziyyəti daha da qəlizləşdirib. Gecə saat 3-də onların hay-küyünə çıxan qonşulardan biri onlardan davalarını kəsməsini tələb edib. Əvəzində isə rus hərbçilər birləşərək həmin erməni sakini bərk əzişdiriblər. Nəticədə yerli sakinlər polis çağırmalı olub.
Qeyd olunduğu kimi, bu Gümrüdə baş verən birinci insident deyil, yəqin ki, sonuncu da olmayacaq.(musavat.com)
pia.az