Danimarkanın ən böyük maliyyə qurumu sayılan “Danske bank”da çirkli pulların yuyulması ilə bağlı qalmaqal daha da böyüyür
Almaniyanın “Handelsblatt” qəzetində çıxan xəbərə görə, Avropa Komissiyası Avropa Bank Agentliyindən (EBA) Danimarka, Latviya və Estoniyanın İttifaqın qanunvericiliyini pozması faktlarını araşdırmasını tələb edib.
Jurnalist Helmut Ştoyerin yazdığına görə, Komissiya Danimarka və Estoniyadan Avropa Birliyinin çirkli pulların yuyulması ilə bağlı 4-cü direktivinin daxili qanunvericiklərinı tətbiq etməsini istəyib.
“Bir iştirakçı dövlət tərəfindən yol verilən pozuntular bütün ölkələr üçün ağır nəticələr törədəcək”,-deyə Avropa Komissiyasının bəyanatında deyilir.
“Bu, Avropa Komissiyasının EBA-dan iştirakçı ölkələr tərəfidən hüquq pozuntularına dair ilk xəbərdarlıq halıdır”.-deyə jurnalist yazır.
Yazıda “Danske Bank”ın tərəfindən keçən pulların Rusiya və Böyük Britaniyadakı müştərilərə məxsus olduğu bildirilib.
Xatırladaq ki, “Danske bank”ın adı Rusiyaya qarşı sanksiyaların tətbiq edilməsinə səbəb olmuş “Maqnitski işi”ilə məşhurlaşıb. Sergey Maqnitskinin Rusiya xəzinəsindən oğurlanan 230 milyon dollar pulun məhz “Danske bank”ın Estoniya filialı vasitəsilə yuyularaq Qərbin başqa banklarına yerləşdirildiyini təsbit etdiyi məlum olmuşdu.
Rusiyanın Mərkəzi bankının sədrinin keçmiş müavini, şübhəli qətl hadisəsinə qurban gedən Andrey Kozlovun bir vaxtlar “Danske bank” vasitəsilə dövlətdən talanan pullarının məbləğinin 200 milyard dolları ötdüyünü iddia edirdi.(musavat.com)
pia.az