Şənbə, 23 Mart 2019
USD : 1.7
EUR : 1.996
Hava
+6 ° Baku
-0 ° Quba
-0 ° Qusar
+4 ° Gəncə
+5 ° Lənkəran
+3 ° Naxçıvan
+6 ° Salyan
+3 ° Şəki

Bu il Gürcüstanda 570 nəfər QİÇS-ə yoluxub

Bu ilin əvvəlindən Gürcüstanda QİÇS-ə yoluxanların sayı 570 nəfər artıb

“Report”un Gürcüstan bürosunun verdiyi xəbərə görə, bu barədə Gürcüstanın İnfeksiya patologiyası, QİÇS və Kliniki immunologiya üzrə Elmi-Praktik Mərkəzi məlumat yayıb.

2018-ci il noyabrın 6-na ölkədə, ümumilikdə, 7332 QİÇS-ə yoluxma halı qeydə alınıb.

Xəstəliyə yoluxanların 5486 nəfəri kişi, 1846-sı isə qadındır. Pasiyentlərin böyük əksəriyyəti 29-40 yaş qrupuna aiddir. QİÇS 3816 xəstədə inkişaf edib, 1495 nəfər isə dünyasını dəyişib.

HİV infeksiyasına yoluxma hallarının 46,2%-i heteroseksual əlaqə, 40,2%-i isə narkotik vasitələrdən istifadə ilə əlaqəlidir.

QİÇS-ə yoluxan şəxslərin böyük əksəriyyəti (2587 nəfər) Tbilisinin payına düşür. Xəstəlik daşıyıcılarının 87 nəfərini əcnəbi vətəndaşlar təşkil edir.

Qeyd edək ki, Gürcüstanda QİÇS-ə yoluxma ilə bağlı ilk hal 1989-cu ildə qeydə alınıb.

pia.az

Şərh yazın.

loading...