Cəbrayıl rayonunun Qovşudlu kənd tam orta məktəbinin məktəbdənkənar işlər üzrə direktor müavini Vidadi Əsədov 26 oktyabr 2018-ci ildə müəllimin etik davranış qaydalarını pozduğuna görə vəzifəsindən azad edilib
Bu barədə virtualaz.org-a Cəbrayıl Rayon Təhsil Şöbəsindən məlumat verilib.
V.Əsədov şiddətli töhmət verilməklə sıravi müəllim işinə keçirilib.
Təhsil şöbəsindən onu da bildiriblər ki, belə hərəkətlərin təkrarlanacağı təqdirdə o, pedaqoji işlərdən kənarlaşdırılacaq.
* * *
Sosial şəbəkələrdə Bakıda məktəb direktorunun müavini olduğu iddia edilən müəllimin məktəbliləri döyməsini əks etdirən video-kadrlar yayılıb.
İnformasiyaya görə, hadisə Dərnəgüldə yerləşən məktəblərdən birinin qarşısında baş verib.
Kadrlardan görünür ki, kişi uşaqlara hücum edir və onlardan birini vurur. Vurulan uşaq üzünün qanını silə-silə kənara çəkilir.
Bildirilir ki, həmin ərazidə qaçqın və məcburi köçkün uşaqlarının oxuduğu onlarla məktəb var.
Bu biabırçı hadisəyə Təhsil Nazirliyindən hələlik heç bir reaksiya verilməyib.
pia.az