"JAMA Ophthalmology" jurnalında Leonardo Da Vinçi ilə bağlı yeni məqalə dərc edilib
Da Vinçi çəpgözlüyün yügül formasından əziyyət çəkib və bu xəstəlik ətraf mühitin fərqli görünməsinə səbəb olub. Rəssam isə asanlıqla bu reallığı parçaya köçürüb.
London şəhər universitetinin alimi Kristofer Tayler məsələ ilə bağlı deyib:
"Rembrandtdan tutmuş Pikassoya qədər bir çox məşhur rəssam çəpgözlükdən əziyyət çəkib. Bu gün isə mütəxəssislər bildirirlər ki, çəpgözlük bu rəssamlara əla əsərlər yaratmağa kömək edib".
Tayler İntibah dövrünün məşhur rəssamlarından biri Leonardo Da Vinçinin başqa bir sirrini də açıb. O, bildirib ki, digər rəssamlardan fərqli olaraq, biz bu günə qədər də Da Vinçinin necə göründüyünü bilmirik. Alim rəssamın bir neçə əsərini tədqiq edəndə qeyri-adi standartla üzləşib. İsa və David (söhbət "Xilaskar" və "David" əsərlərindən gedir) ətraf dünyaya çox qəribə nəzərlə baxırlar. Onların gözlərini tədqiq edən alim rəssamın çəpgözlükdən əziyyət çəkdiyini aşkar edib.(ölkə.az)
pia.az