İtaliya futbolunun əfsanəsi, "Roma"nın texniki direktoru Françesko Totti İtaliyada həbsxanaların birində yaşadığı maraqlı hadisəni danışıb
PİA.az Milli.Az-a istinadən xəbər verir ki, veteran futbolçunun sözlərinə görə, həbsxanaya ziyarətdən öncə məhkumlardan biri cəzasını çəkib başa vursa da, Totti ilə görüşmək üçün əlavə bir həftə də dustaqxanada qalıb:
"Həbsxanaya ziyarətə getdik və orada imza paylamaq üçün bir masa verdilər. Ətrafda gözətçilər və dustaqlar var idi, hamı bağırırdı. Həmin an gözüm bir məhkuma sataşdı. Yanımıza gəlmək üçün çarpışırdı. O, mənimlə şəkil çəkdirməyi çox istəyirdi. Bu qədər istəkli olmasını anlaya bilmirdim. Öyrəndim ki, bir həftə öncə təxliyə olub, amma gələcəyimi biləndə dustaqxanada 7 gün əlavə qalmaq üçün icazə istəyib. "Məni göndərsəz, cinayət törədərək, geri dönəcəm!" deyərək, razılıq əldə edibmiş".
Karyerası ərzində yalnız "Roma"da çıxış edən 41 yaşlı Totti 785 qarşılaşmada 307 qol vurub, 128 assist edib.
pia.az
Digərxəbərlər
Populyar xəbərlər
