Rusiya Suriyaya hərbi texnika göndərməyə başlayıb
Avropa.info lenta.ru-ya istinadən xəbər verir ki, Rusiya Müdafiə Nazirliyi Suriyaya radioelektron mübarizə kompleksi texnikalarını göndərib.
Portalın yazdığına görə, ilk partiya hərbi texnika sentyabrın 24-də İl-76 təyyarəsi ilə Suriyanın Hmeymimdəki Rusiyaya məxsus aviabazasına göndərilib.
Göndərilən hərbi texnikanın hansı tərkibə malik olması barədə məlumat verilmir. Lakin radioelektron mübarizə kompleksinin Suriyaya göndərilməsi bu ölkəyə hücum edən idarəolunan uçan aparatların rabitə sistemini, radioelektron bortların və düşmən tərəfin naviqasiya peyklərinin sıradan çıxarılması məqsədi daşıyır. Bu kompleks Suriya səmasını müdafiə etmək qabliyyətinə malik olacaq.
“MilitaryRussia” portalının rəhbəri Dmitri Korneyev deyib ki, Suriyaya göndərilən “Krasuxa-4” sistemi ola bilər. Bu sistem təyyarələr, pilotsuz uçan aparatlar və R-330J “Jitel”lə mübarizə aparmaq üçün nəzərdə tutulub.
Bundan əlavə, “Divnomorye” mobil kompleksi də göndərilə bilər ki, bu da radioelektron dalğaları yaratmaq üçün nəzərdə tutulur.
pia.az