Hindistanın şimalında yağan leysan yağışı nəticəsində azı 45 nəfər itkin düşüb
"Report" RİA "Novosti"yə istinadən xəbər verir ki, insanlar əsasən Himaçal Paradeş ştatının Lahul və Spiti rayonlarında yoxa çıxıblar. İtkin düşənlər arasında Rurki şəhər Texnologiya İnstitutunun 35 tələbəsi də var.
Qeyd edək ki, Hindistanda iyun ayından sentyabr ayının ortalarına qədər musson yağışlar mövsümü davam edir. Rəsmi statistikaya görə, bu il ölkədə leysan yağışı artıq mindən çox adamın ölümünə səbəb olub.
***
Hindistanın şimal ştatlarında leysan yağışının yaratdığı daşqın və sürüşmələr nəticəsində azı 11 nəfər ölüb, bir neçə nəfər yaralanıb.
Bu barədə "Times of India" nəşri yazıb.
Qəzetin yazdığına görə, təbii fəlakət əsasən Cammu və Kəşmir, Pəncab, Himaçal-Pradeş və Haryana ştatlarına zərbə vurub. İki gün davam edən yağışlar subasmalar, sürüşmələr və çoxsaylı dağıntılara səbəb olub.
Pəncab ştatında qırmızı təhlükə səviyyəsi elan edilib. Cammu və Kəşmirdə və Himaçal-Pradeş ştatının əksər hissəsində məktəblər bağlanıb.
pia.az