Şirvanda baş verən yol qəzasında iki nəfər xəsarət alıb
Yol-nəqliyyat hadisəsi şəhərin G.Şıxbalaoğlu küçəsində baş verib.
“Mercedes” markalı avtomobillə “QAZ 31” markalı avtomobillərin toqquşması nəticəsində iki nəfər ağır xəsarət alıb.
“QAZ 31” markalı avtomobildə olan sürücü və sərnişin -Şirvan sakinləri, 1961-ci il təvəllüdlü Həsənov Qərib Qüdrət oğlu və 1963-cü il təvəllüdlü Həmzəyev Cavanşir Mirzə oğlu Şirvan şəhər xəstəxanasına çatdırılıb. Birincinin vəziyyəti ağır olduğundan xəstəxananın reanimasiya şöbəsinə yerləşdirlib.
Faktla bağlı Şirvan Şəhər Polis Şöbəsi tərəfindən araşdırma aparılır.(report)
pia.az