Aralıq dənizində Rusiyanın İl-20 təyyarəsi vuruldu - ABŞ Suriya tərəfindən vurulduğunu iddia edir

Daha sonra vurulduğu təsbitlənən təyyarənin göyərtəsində 14 nəfər rus həbçisi olub, onları taleyi məlum deyil.

PİA.az xəbər verir ki, CNN kanalı ABŞ hökümətinin mənbəsinə əsasən məlumat yayıb ki, Rusiya təyyarəsini səhvən Suriya Havadan Müdafiə Qüvvələri vurub. Həmin vaxt dörd ədəd İsrail F-16 qırıcı-bombardmançısının Livan ərazisindən Suriyanın Latakiya əyalətini atəşə tutub.

Rusiya Müdafiə Nazirliyinin məlumatına görə təyyarə İsrail təyyarələrinin Suriyadakı obyektləri atəşə tutması zamanı radarlardan itib. Qeyd olunur ki, təyyarə ilə əlaqə dörd ədəd İsrail F-16 qırıcı-bombardmançısının Latakiya əyalətindəki obyektlərə hücumu zamanı kəsilib. Lakin buna baxmayaraq Rusiya Müdafiə Nazirliyi İl-20 kəşfiyyat təyyarəsini həmin rayonda olan fransız freqatı “Auvergne”dən (“Overn”) raket buraxılışları nəticəsində vurulduğunu iddia edir.

CNN-nin məlumatında isə vurğulanır ki, Suriya Havadan Müdafiə Qüvvələri İsrail təyyarələrinə atəş açarkən səhvən Rusiyanın Hmeymim bazasına qayıdan İl-20 təyyarəsini vurub. CNN-nin mənbəsi ABŞ tərəfindən təyyarənin vurulması ilə bağlı məlumatların Rusiyaya verildiyini iddia edib.

İnsident İsrail qırıcılarının Rusiyanın Hmeymim bazasının yerləşdiyi Latakiya əyalətinə hücumunun dəf edilməsi zamanı baş verib. Telekanalın digər həmsöhbəti İsrailin Suriya ərazisini atəşə tutması faktını təsdiqləyib.

Telekanalın digər həmsöhbəti İsrailin Suriya ərazisini atəşə tutması faktını təsdiqləyib. İsrail isə Suriyaya hücumu və Rusiya təyyarəsinin itməsini şərh etməkdən imtina edərək, xaricdən gələn məlumatlara münasibət bildirmədiyini elan edib.

Təyyarənin itdiyi rayonda axtarış-xilasetmə əməliyyatı aparılır. Təyyarədə olan 14 rus hərbiçisinin taleyi barədə də heç bir məlumat yoxdur.

Xatırladaq ki, İl-20 (NATO kodlaşdırmasına görə “Coot” – radioelektron kəşfiyyat və mübarizə təyyarəsidir.

pia.az