Əfqanıstanda prezident iqamətgahına raket zərbəsi endirmiş qiyamçılar zərərsizləşdirilib

Yerli mətbuatın məlumatına görə, Əfqanıstan Daxili İşlər Nazirliyinin nümayəndəsi Nəcib Daniş bildirib ki, ilkin ehtimala əsasən, hücumu 3 döyüşçü həyata keçirib. Onlar raketləri yük maşınından buraxıblar.

Atışma zamanı təhlükəsizlik qüvvələrinin 2 əməkdaşının yaralandığı bildirilir.

Hücuma görə məsuliyyəti hələ heç bir qruplaşma öz üzərinə götürməyib.

Xatırladaq ki, bu gün Əfqanıstan Prezidenti Məhəmməd Əşrəf Qani Qurban bayramı münasibətilə çıxış edən zaman paytaxt Kabilə bir neçə raket zərbəsi endirilib.

Hücum yerli vaxtla saat 09:00-da (Bakı vaxtı ilə 08:30) qeydə alınıb. Raketlər Prezident iqamətgahı və şəhərin bir çox ölkələrin səfirliklərinin yerləşdiyi hökumət məhəlləsi istiqamətinə atılıb.(virtualaz.org)

pia.az