Həkimdən ananın şok ittihamlarına cavab
Xəbər verdiyimiz kimi Azərbaycanda daha bir körpə ölümü baş verib. 26 yaşlı Aytən Sadıqovanın 7 saylı Doğum Evində dünyaya gətirdiyi 3 kq 500 qram çəkili oğlan uşağı doğuşdan 45 dəqiqə sonra ölüb. Bu barədə Gənc qadın BAKU.WS-ə açıqlamasında bildirib. O, vurğulayıb ki, körpəsini Səbinə Baharzalova dirsəyilə qarnına vurduğu zərbələrlə öldürüb: “Uşağın bədənində göyərtilər vardı. Bu da həkimin dirsəyilə vurduğu zərbələrin yeri idi”.
Bununla bağlı biq.az-a açıqlama verən həkim-ginekoloq Səbinə Baharzalova bildirib ki,uşaq ana bəthində ölüb: “Hər kəs burda idi. Uşaq doğularkən ürək döyüntüsüz doğulub. Nəfəs almırdı. Hansı 45 dəqiqədən söhbət gedir. Belə bir şey olmayıb. Mən o qadını doğuşda görmüşəm. Qadın məsləhətxanasında qeydiyyatda olub”.
Səbinə Baharzalova vurğulayıb ki, övladını itirən ananın açıqlamalarını anlayışla qarşılayır: “Biz özlərinə də başa salmışıq. Hamiləlik dövründə hərarəti yüksəlib, qrip keçirib. Ən önəmlisi isə böyrəkləri xəstə olub. Biz bunları sonradan bilmişik. Daxili orqanlarında hansı xəstəlik olduğunu deyə bilmərəm amma uşaqda gözlə görünən heç bir problem yox idi. Təzə doğulan uşağı vurub öldürmək olar? Belə bir hal ola bilməz”.
pia.az