Gürcüstanın baş naziri Mamuka Baxtadze avqustun 20-də 7 bölgəyə yeni qubernator təyin edib
"Report"un Gürcüstan bürosu xəbər verir ki, onların sırasında azərbaycanlı yoxdur. Azərbaycanlıların yığcam yaşadığı Kvemo Kartli (Borçalı) bölgəsinə Şota Rexviaşvili qubernator təyin olunub.
Bu gün baş nazir yeni təyin olunan qubernatorları hökumət üzvlərinə və ictimaiyyətə təqdim edib.
Baş nazirin sərəncamları ilə Msxeta-Mtianeti bölgəsinə Şalva Kereselidze, Samsxe-Cavaxetiyaya Besik Amirxanaşvili, Şida Kartliyə Georgi Xocevanaşvili, Sameqrelo-Zemo Svanetiyə Aleksandr Motsereliya, Quriyaya Zurab Nasaraya, İmeretiyə isə Şavleqo Tabatadze dövlət vəkili-qubernator təyin ediliblər.
pia.az