ORT-ın ilk baş direktoru Vladislav Listyevin "Vzglyad" proqramı üzrə tərəfdaşı Dmitri Zaxarov həmkarının qətlinin sifarişçisinin mərhum oliqarx Boris Berezovski olduğunu deyib
Musavat.com-un xəbərinə görə, o, bu barədə MixTV telekanalına müsahibəsində bildirib.
Zaxarov Listyevin öldürülməsini ORT telekanalında reklam yerləşdirilməsi monopoliyası ilə əlaqələndirib. "Kim ki, Vladın arxasında dururdu, qərara gəlib ki, 1-ci kanal kənar təşkilarların reklamlarının yerləşdirilməsinə moratorium tətbiq edir və bundan sonra bu işlə bilavasitə 1-ci kanal məşğul olacaq. Yəni dərhal məntiqi baxımdan və asanca belə bir nəticə çıxır ki, kim bundan daha çox zərər görürdü, qətli də o sifariş edib", - "Vzqlyad"ın keçmiş aparıcısı deyib.
"Hazırda həyatda olmayan, hamımıza yaxşı tanış olan adam buna görə milyardın dörddə biri həcmdə vəsaitdən məhrum olmuşdu. O adam sonradan Londonda ya asılmış, ya da özünü asmış halda tapıldı. Yəni bu, o qədər açıq-aşkar bir məsələydi ki, orada təhqiqat aparmalıq bir şey yox idi", - Zaxarov izah edib.
"Siz Boris Berezovskini yada saldınız", - deyə müsahibə götürən jurnalist Zaxarovun çəkmədiyi adı səsləndirib.
pia.az