Çərşənbə axşamı, 19 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Ceyhun Bayramova ritorik sual...

Niyə nazirin əmri icra edilmir, problem nədir?

Müəllimlərin işə qəbulu üzrə müsabiqənin iştirakçısı olan bir iddiaçı Moderator.az-a aşağıdakı məzmunda şikayət məktubu göndərib:

Dünən Müəllimlərin işə qəbulu üzrə müsabiqənin vakansiya seçimi mərhələsinin axırıncı günü idi.

Ötən il olduğu kimi bu il də vakant yerlər imtahanlardan sonra açıqlandı. Bu müsabiqəyə qatılan namizədlərin haqlı narazılığına səbəb oldu.

Bu il keçirilən Müəllimlərin işə qəbulu üzrə müsabiqə onu göstərdi ki, müəllimlərin işə qəbulu prosesində neçə illərdir deyilən, şikayət edilən ciddi nöqsanlar da aradan qaldırılmayıb. Əksinə, yeni nöqsanlar buraxılıb.

Müəllim namizədlərin ən çox şikayət etdiyi problemlərdən biri vakant yerlərin imtahandan sonra açıqlanmasıdır. Bu görülən işə kölgə salmaqla yanaşı vakant yerlərin gizlədildiyi şübhələrini artırır. Sanki məsul şəxslər məktəblərdən vakant yerləri aşkar etməkdə acizdir. Qeyd edək ki, vakant yerlərin toplanması və təhlilinin son tarixi təhsil nazirinin əmrində açıq şəkildə göstərilib. Belə ki, Ümumi təhsil müəssisələrinə müəllimlərin işə qəbulunun və yerdəyişməsinin keçirilməsi barədə Azərbaycan Respublikası təhsil nazirinin əmrində qeyd olunur ki, cari il mayın 31-dək ümumi təhsil müəssisələrində vakant müəllim yerlərinin toplanılmasını və təhlilini təmin edilsin. Ancaq miq.edu.az saytında vakant yerlər barədə məlumatın müsabiqənin üçüncü mərhələsində (avqust ayında) elan ediləcəyi bildirilir.

Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Vakant yerlərin vaxtında elan edilməməsi bir neçə böyük problemə səbəb olur. Belə ki, vakant yerlərin vaxtında elan edilməməsi ən əsası qoşa ixtisaslı müəllimləri qeyri müəyyən seçim qarşısında qoyaraq çətinlik yaradır. Məsələn, Kimya və Biologiya müəllimliyi ixtisaslı namizəd hər iki fənndən imtahan vermək hüququna malikdir. Lakin Vakant yerlərin vaxtında elan edilməməsi həmin namizədə düzgün seçim etməyə imkan vermir. Belə ki, namizəd yaşadığı ərazidə hansı fənnə daha çox ehtiyac olduğunu bilməli və həmin fənni seçməlidir. Əks halda namizəd daha az vakant yer çıxarılmış və ya ümumiyyətlə vakant yer çıxarılmamış fənn seçir və nəticədə uğursuzluqla qarşılaşır. Vakant yerlərin vaxtında elan edilməməsi namizədlər üçün əlavə xərclərə səbəb olur. Əgər namizəd rayonda yaşayırsa Bakıya gələrək imtahan verir və sonda görür ki, vakant yer yoxdur. Beləliklə, əlavə yol xərci və zaman israfı etmiş olur.

Digər bir problem vakant yerlərin gizlədilməsi və ya aşkar edilməməsi problemidir. Necə ola bilər ki, bəzi şəhər və rayonlarda bir dənə də olsun Tarix müəlliminə, Biologiya müəlliminə ehtiyac olmasın? Bu necə araşdırmadır ki, namizədlər özü qaynar xətti yığıb, müəllim ehtiyacı olan məktəbləri bir-bir sadalayır. Əgər direktorlar vakant yerləri gizlətməkdə maraqlıdırsa, niyə həmin direktorlar barəsində ciddi tədbir görülmür. Fakt var ki, namizəd 58 bal toplayıb, ancaq yaşadığı şəhərdə 1 dənə də olsun vakant yer verilməyib. Qeyri-müəyyən səbəblərdən qurum vakant yerləri aşkar edə bilmir. Soruşanda ki, vakant yerləri niyə imtahandan sonra açıqlayırsız, bildirirlər ki, vakant yerlərin toplanması prosesi davam edir. Ancaq təhsil nazirin əmrində qeyd olunur ki, mayın 31-dək ümumi təhsil müəssisələrində vakant müəllim yerlərinin toplanılmasını və təhlilini təmin edilsin. Demək vakant yerlərin toplanılması mayın 31-dək bitməli idi. Niyə nazirin əmri icra edilmir? Problem nədir? Bu prosesə məsul olan Təhsil İşçilərinin Peşəkar İnkişafı İnstitutu bunu açıqlamalıdır.

Başqa bir problem isə, imtahan verib lazimi bal toplamış şəxslərin seçimində yardımçı vasitələrin olmamasıdır. Buna niyə zərurət var? Misal göstərim. Mən 53 bal yığmışam tarix fənnindən. Bakı şəhərindəki məktəblərin birində çalışmaq istəyirəm. 8 yer yazacam hamı kimi. Ancaq şəxsi səhifəmə girirəm ki, bütün yerlərdə ən yüksək bal 59 göstərir. Bu balın bütün yerlərdə göstərilməsi ondan aşağı bal toplayanların üstünü örtərək görünməsinə mane olur. Fikrimcə, bu yalnışdır. Ən yüksək nəticə indiqatorunda yalnız birinci yeri seçənlərin balı göstərilməlidi.

pia.az



Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Bukingem sarayı kral III Çarlzın ölüm xəbərini təkzib edib - Yenilənib

Məşhur avtomobil markasının Azərbaycanda istehsal tarixi açıqlandı 

Bu gün ilaxır çərşənbə - Torpaq çərşənbəsidir

Tacir Şahmalıoğlu: “Evliliyim alınmadı, boşandım”

Ramazan ayının doqquzuncu gününün imsak, iftar və namaz vaxtları    

Nömrəsini sərnişinə vermək istəyən sürücü cəzalandırıldı - Açıqlama

“Qarabağ”ın baş məşqçisi cəzalandırılıb

Növbəti köç karvanı Füzuli şəhərinə çatıb, mənzillərin açarları təqdim olunub - Yenilənib

Ən çox oxunanalar