Rusiya prezidenti Vladimir Putin bu gün Təhlükəsizlik Şurasının iclasını keçirib
AzVision.az xəbər verir ki, bu barədə danışan Kremlin sözçüsü Dmitri Peskov bildirib ki, iclasda ABŞ-ın Rusiyaya qarşı tətbiq edə biləcəyi yeni sanksiyalar məsələsi müzakirə olunub.
Putin qeyd edib ki, ABŞ-ın bu cür məhdudlaşdırıcı tədbirləri beynəlxalq hüquq baxımından tamamilə qanunsuzdur.
Təhlükəsizlik Şurasının iclasında həmçinin, Rusiyanın sosial-iqtisadi inkişafı qarşısında duran mövcud problemlər, o cümlədən, “Xəzər beşliyinin” (Azərbaycan, İran, Qazaxıstan, Rusiya, türkmənistan) 12 avqustda Qazaxıstanın Aktau şəhərində keçiriləcək sammitinə hazırlıq məsələləri müzakirə edilib.
pia.az