İspaniya Hərbi Hava Qüvvələrinə aid olan bir təyyarə Estoniya üzərində təlim uçuşları apararkən səhvən raket atışı həyata keçirib
AzNews.az “Euronews”un məlumatına əsasən bildirir ki, 10 kiloluq partlayıcı maddə daşıyan raket axırıncı dəfə Estoniyanın ən böyük ikinci şəhəri olan Tartuda görüntülənib. Raketin qəza vəziyyətində öz-özünü zərərsizləşdirmə özəlliyi olduğu halda, harasa düşmüş olacağı ehtimalı da bildirilir.
Estoniya baş naziri hadisəni olduqca bədbəxt adlandıraraq təhlükəsizlik qüvvələrinin buna bənzər olayın təkrarlanmaması üçün müttəfiqlərlə birlikdə bütün səylərini birləşdirəcəklərini açıqlayıb. İspaniya müdafiə naziri isə hadisənin səbəbinin öyrənilməsi ilə bağlı araşdırmanın başlandığını qeyd edib.
“Eurofighter Typhoon” tipli ispan döyüş təyyarəsi iki “Mirage 2000” tipli fransız təyyarəsi ilə birlikdə NATO Baltik səmasını qoruma mövqeli təlim uçuşunu həyata keçirdikdən sonra Şimali Litvaya qayıdıb.
pia.az