Bu gün səhər saatlarında Salyan rayonunun Noxudlu kəndində 5 nəfərin xəsarət alması ilə nəticələnən yol nəqliyyat hadisəsi baş verib
Virtualaz.org-un Şirvan bürosunun məlumatına görə, Neftçala rayonunun Aşağı Surra kəndinin 42 yaşlı sakini İltimas Qorxmaz oğlu Babayevin idarə etdiyi “Niva” markalı avtomaşın Sabirabad rayonu istiqamətində hərəkətdə olarkən, yeni çəkilən Ələt-Astara avtomobil yolundan “Noxudlu yolu”na keçid edən “Hundai Elantra” markalı avtomaşınla toqquşub.
Hadisə nəticəsində xəsarət alan 5 nəfər Salyan Mərkəzi Rayon Xəstəxanasına gətirilib, onlara ilkin tibbi yardım göstərildikdən sonra vəziyyətləri qənaətbəxş olduğundan ambulator müalicəyə buraxılıblar. Yol qəzasında xəsarət alanlar aşağıdakılardır:
1.Babayev İltimas Qormaz oğlu , Neftçala sakini, 1976
2.Səlimov Aləddin Cəmaləddin oğlu, Cəlilabad sakini, 1990
3.Məmmədov Vüqar Kamil oğlu, Bakı sakini, 1988
4.Quliyev Səbuhi Ceyhun oğlu, Bakı sakini, 1977
5.Hüseynov Səbuhi Akif oğlu, Bakı sakini, 1986 ("Hundai-Elantra"ının sürücüsü)
Faktla bağlı araşdırma aparılır.
pia.az