Fransa millisinin və "Yuventus"un yarımmüdafiəçisi Blez Matuidi Kriştiano Ronaldonun Turin klubuna transferi ilə bağlı açıqlama verib
PİA.AZ komanda.az-a istinadən xəbər verir ki, 31 yaşlı futbolçu Ronaldonun planetin ən yaxşı futbolçusu olduğunu bildirib.
Matuidi İtaliyanın "Gazetta Dello Sport" nəşrinə açıqlamasında bunları deyib:
"Kriştiano Ronaldo planetin ən yaxşı futbolçusudur. "Yuventus"a transferi mənim üçün sürpriz oldu. Əlbəttə, Ronaldoya görə sevindirici haldır. Çünki o, dünya çempionu ilə bir komandada oynayacaq. Onun çıxış etdiyi Portuqaliya millisi iki il əvvəl Parisdə keçirilən Avropa çempionatının final oyununda bizi məğlub etmişdi. Ancaq dünya çempionu olmaq Avropa çempionu olmaqdan daha dəyərlidir".
pia.az