Çərşənbə axşamı, 19 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

ABŞ kəşfiyyatçıları prezidentlərinə qarşı

Tramp məsuliyyətsizlikdə və Vətənə xəyanətdə suçlanır

Sərdar Turqut,

“Habertürk”ün Vaşinqton təmsilçisi, 18 iyul 2018-ci il

Trampın Putinlə zirvə görüşündən sonra ABŞ-da aləm bir-birinə dəyib.

Rusiyanın ABŞ-da keçirilən son prezident seçkilərinə müdaxilə etməsi məsələsini zirvə görüşünün gündəliyinə gətirməyən Trampın çox yumşaq davrandığı, özünü və Amerikanı əzdirdiyi və ölkənin rəzil olmasına yol açdığı həm demokratlar, həm də respublikaçılar tərəfindən söylənilir.

Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Ən sərt reaksiyanı isə Amerikanın kəşfiyyat təbəqəsi verib.

Putinin özü də üst səviyyəli sabiq kəşfiyyatçı olduğuna görə, onu ən yaxşı tanıya bilənlərin məhz özləri olduğunu düşünən Amerika kəşfiyyat camiəsi Trampın bu gedişlə Putinin oyuncağı halına gələcəyini düşünür.

Mərkəzi Kəşfiyyat İdarəsinin (MKİ) sabiq direktoru və camiənin nüfuzlu şəxsi olan Con Brennan zirvə görüşündəki davranışına görə Trampı vətənə xəyanətdə belə ittiham edib.

Hazırda Milli Kəşfiyyat Şurasının sədri olan Den Kouts da Trampın əleyhinə açıqlama verib.

Hakimiyyət daxilində üst səviyyəli kəşfiyyatçı vəzifəsi daşıyan bir bürokratın belə danışması qəribə qarşılansa da, Den Koutsun istefa verməyi düşündüyü deyilir.

Den Kouts, ABŞ kəşfiyyat camiəsinin duyğularını əks etdirdiyini söyləyərək, rusların son seçkiyə müdaxilə etdikləri haqqında əllərində dəlil olduğunu və bunu Trampın da bilməsinə rəğmən, onlara inanmaq yerinə, ruslara daha çox inanırmış kimi davrandığını vurğulayır.

Dosyenin bir səhifəsini də oxumayıb

Tramp bu zirvə görüşünə, demək olar ki, heç bir hazırlıq görmədən girib.

KQB təhsili və strateji ustalığı olan Putinin qarşısına bu cür çıxmağın siyasi intihar olduğunu düşünən Vaşinqtonun kəşfiyyat camiəsi zirvə görüşündəki uğursuzluğun da bundan qaynaqlandığını düşünür.

Zirvə görüşü öncəsi Trampa 100 səhifəlik bir hazırlıq dosyesi verilib. Trampın isə bunun bir səhifəsini belə, oxumadığı məlumdur.

Zirvə görüşü öncəsi onsuz da hazır olan Putin üst səviyyəli adamları ilə birlikdə strategiya işləyib hazırlamaq üçün toplantılar keçirərkən, istifadə edəcəyi “bədən dili”ni belə məşq edərkən, ona nisbətən çox təcrübəsiz olan Tramp o saatlarda Şotlandiyada öz klubunda qolf oynayırdı.

Vaşinqtonda onun bu məsuliyyətsizliyinə yönəlik böyük reaksiya var.

Öz partiyası daxilindən də çox ağır sözlər söyləyənlər olur.

Camiə daxilindən xəbərdarlıq

Əvvəllər hərbi kəşfiyyatda işləmiş və casus camiəsi içində çox hörməti olan köhnə bir dostum mənə “Prezidentlərin öz kəşfiyyatçılarını bu şəkildə qarşısına alması heç doğru şey deyil. Pislik etmək üzrə mütəxəssis olan bu adamlarla davamlı toqquşma içində olmaq məntiqli də deyil” dedi.

Dostum, “Tramp, rus casuslara daha çox simpatiya duyurmuş kimi davranaraq, onsuz da üsyan etməkdə olan ABŞ kəşfiyyat camiəsinin daha sərt reaksiyalar verməsinə yol aça bilər” deyərək, xəbərdarlıq edib.

Tərcümə: Strateq.az

pia.az


Etiket:

Şərh yazın.


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Bukingem sarayı kral III Çarlzın ölüm xəbərini təkzib edib - Yenilənib

Məşhur avtomobil markasının Azərbaycanda istehsal tarixi açıqlandı 

Tacir Şahmalıoğlu: “Evliliyim alınmadı, boşandım”

Bu gün ilaxır çərşənbə - Torpaq çərşənbəsidir

Növbəti köç karvanı Füzuli şəhərinə çatıb, mənzillərin açarları təqdim olunub - Yenilənib

Nömrəsini sərnişinə vermək istəyən sürücü cəzalandırıldı - Açıqlama

“Qarabağ”ın baş məşqçisi cəzalandırılıb

Prezident Xankəndidə Novruz tonqalını alovlandırıb, xalqı təbrik edib - Yenilənib

Ən çox oxunanalar