Bu gün Barselonada Kataloniyanın 13 yeni nazirinin vəzifələrinə başlanması mərasimi keçirilib
Modern.az “Canal 24 Horas” kanalına istinadən xəbər verir ki, yeni nazirlər kabinetinin fəaliyyətə başlaması krallığın Konstitusiyanın 155-ci maddəsini qüvvədən salır.
Senat tərəfindən təsdiqlənən Krallıq Konstitusiyasının 155-ci maddəsi Kataloniyanın özünü idarə etməsini məhdudlaşdırmağa icazə verirdi.
Mərasimdə yeni nazirlər “qanunlara uyğun olaraq vəzifələrini vicdanla yerinə yetirməyə və Kataloniya prezidentinə sadiq olmağa” and içiblər.
Onlar həmçinin oktyabrın 1-də əldə olunmuş nailiyyətləri (Kataloniyada müstəqillik üçün keçirilmiş referendum) davam etdirməyə və Respublika tipli dövlət yaratmağa söz veriblər.
“Sədr (İspaniya hökumət başçısı) Pedro Sançes, gəlin danışaq, gəlin bu məsuliyyəti öz üzərimizə götürək. Siz və biz eyni masada oturub hökumətlə hökumət danışıqlarını keçirək, bu vəziyyət bir gün belə davam edə bilməz” – Kataloniya prezidenti Kim Torra bildirib.
Qeyd edək ki, regional nazirlər kabinetinin açılışı Kataloniya liderinin İspaniyada qanunla problemi olan siyasətçiləri namizədlər siyahısından çıxarmasına görə mümkün oldu.
pia.az