Cümə axşamı, 28 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

“Heç kim öz taleyindən qaça bilməz!”


Qüdrət Həsənquliyev: “Mühacirətdə olub söyüş söyərək seçkini boykot edənlərin təhsil, tərbiyə problemi var”


Bütöv Azərbaycan Xalq Cəbhəsi Partiyasının sədri, Azərbaycan Respublikasının Prezidentliyinə qeydə alınmış namizəd Qüdrət Həsənquliyevin müsahibəsini təqdim edirik:

- Qüdrət bəy, öncə siyasətə qoşulmağınızdan başlayaq… Peşiman deyilsiniz?

– Fundamental elmləri çox sevsəm də uşaqlıq arzum ağır cinayətlərin istintaqını aparan müstəntiq olmaq olub. Amma tələbə olduğum dövrdə xalq hərəkatı başladı və mən də bu prosesdən kənarda qala bilməzdim. Bakı Dövlət Universitetinin hüquq fakültəsini bitirəndən sonra bir müddət prokurorluq orqanlarında müstəntiq işləsəm də, sonradan böyük siyasətə qatılmalı oldum. Heç kim öz taleyindən qaça bilməz.

“Səmimiyyətinə inanmadığım insanla yolarımı ayırıram”

- Siyasətdə olan insanlarda ən çox hansı keyfiyyətə üstünlük verirsiniz?

– Siyasətdə insanları maraqlar və dəyərlər birləşdirir. Amma təkcə siyasətdə yox, hər bir sahədə səmimiyyət və qarşılıqlı inam olmasa uğurdan söhbət gedə bilməz. İnsanlara inanmaq və kömək etmək, sevinc və kədərini səni əhatə edənlərlə bölüşməyi bacarmaq lazımdır. Bu o demək deyil ki, kömək etdiyin insanlardan qarşılığını gözləməlisən. Əksi də baş verə bilər və bu zaman ruhdan düşməməlisən. Mən həyatda hətta ən pis formada yolunu azmışlara da ikinci şans verilməsinin tərəfdarıyam. İnsanlara, xüsusilə ətrafına inanmadan yaşamaq adamın rahat həyatını əlindən ala bilər. Səmimiyyətinə inanmadığım insanla yolarımı ayırıram.

“Utanmadan başqalarına mənəviyyat dərsi keçmək istəyirlər”

- Sizi seçkiyə qatıldığınıza görə ittiham edənlər var. Onlar nə qədər haqlıdırlar?

– Əvvəl gəlin onların kim olmasına diqqət yetirək. Mühacirətdə olub söyüş söyərək seçkini boykot edənlərin təhsil, tərbiyə və əqli sağlamlıq problemi var. İndikindən daha ədalətli, hüquqi dövlət quracaqlarını bəyan edənlərin davranışlarına baxın. Onlar nə deyirlər? “Başlarını kəsəcəyik, terror edəcəyik, partladacağıq…” Prezident seçilərəmsə ilk görəcəyim işlərdən biri İŞİD terrorçularından fərqlənməyən belələrinin Azərbaycana gətirilməsinə nail olub, onları ədalət mühakiməsi qarşısına çıxarmaq olacaq. Qoy həm də vətəndaşlarımız düşünsün ki, həmin adamlar yaşadıqları ölkənin – Fransanın vətəndaşının başını kəsəcəyini namusuna and içərək bəyan etsəydi, həmin ölkə onunla necə davranardı?! Söyüş söydürüb, amma özləri söyməyən boykotçuların isə əksəriyyəti Milli Şurada toplaşıb. Onların liderləri kimlərdir: Deputat olarkən pul qarşılığında iqtidardan aldığı sifarişlə kitab yazan və həmin kitabda indiki iqtidarı öyüb göylərə qaldıran, deputat mandatına görə AXCP-dən istefa verib gedən, Milli Şuranın utanmadan yalançı sədri olmağa razı olan Cəmil Həsənli. Yaxud prezident seçkilərində Elçibəyin vəzifədən kənarlaşdırılması haqqında qərar layihəsini Milli Məclisə təqdim edən AMİP-in sədrinin xeyrinə namizədliyini geri götürüb, İsa Qəmbərin səsini parçalayan Əli Kərimli. 2000-ci ildə başqa partiyalar qarşısında parlamentə getməyəcəyi barədə yazılı öhdəlik götürüb, amma Müsavatın təşkil etdiyi mitinqə az adam gəldiyini görüb, xanım Lalə Şövkətin özünə sığışdırmadığını məmnuniyyətlə edən və qaçıb Milli Məclisdə oturan kişi Əli Kərimli. Hələ Elçibəyə xəyanət edərək Gəncə qiyamı zamanı Daxili İşlər nazirinin otağından Prezidentdən gizli Naxçıvana Heydər Əliyevə zəng etmələrini demirəm. İndi bu adamlar əqidədən danışır, utanmadan başqalarına mənəviyyat dərsi keçmək istəyirlər. Seçkiləri boykot etmək onların konstitusion hüququdur, qoy etsinlər. Amma seçkilərdə iştirak etmək hüququndan istifadə edənləri təhqir elətdirib, dərs keçməyə çalışmasınlar.

- Qüdrət bəy seçki platformanızı seçicilərə çatdıra bilirsinizmi?

– İctimai TV-də 7 dəqiqə 30 saniyəyə nə etmək olarsa, onu etməyə çalışırıq. Biz ölkənin xoşbəxt gələcəyini proporsional seçki sistemi əsasında formalaşan parlament idarəçiliyində, tam müstəqil məhkəmə hakimiyyətinin bərqərar olmasında, peşəkar orduda, azad bazar iqtisadiyyatına əsaslanan iqtisadyyatda, elm və təhsilin inkişafında görürük.

- Digər namizədlərin platformaları haqqında nə deyə bilərsiniz?

– Heç nə demək istəmirəm. Xalqımız çalışıb onların da platformaları ilə tanış olmalı və səsləri ilə qiymət verməlidir.

“Bütün siyasi partiyaların iştirakı ilə komissiya yaradılacaq”


- Prezident seçilərsinizsə ilk qəbul edəcəyiniz qərarlar hansılar olacaq?

– İlk qərar milli etimad hökumətinin yaradılması haqqında olacaq. Bu il mərhum prezidentlər Heydər Əliyev və Əbülfəz Elçibəyin yubileylədir. Həmçinin, biz, Cümhuriyyətin 100 illiyini qeyd edəcəyik. Ona görə növbəti qərar şəxsiyyət və dövlət əleyhinə xüsusilə ağır cinayət törətmiş şəxslər istisna olmaqla, beynəlxalq insan hüquqlarını müdafiə təşkilatları tərəfindən siyasi məhbus hesab olunmuş bütün şəxslərin əfv edilməsi ilə bağlı olacaq. Bundan başqa, geniş məhbus dairəsini nəzərdə tutan “Amnistiya haqqında” qərar layihəsi Milli Məclisə göndəriləcək. SSRİ-nin saxlanmasının əleyhinə səs vermiş Azərbaycan Respublikası Ali Sovetinin deputatları, Heydər Əliyev başda olmaqla, “İstiqlal” Ordeni ilə təltif olunacaqlar. Milli Azadlıq Hərəkatının lideri Əbülfəz Elçibəy də “İstiqlal” ordeni ilə təltif olunacaq. Şəhid ailələrinə, müharibə əlillərinə çatacaq sığorta pulları dərhal ödəniləcək. Bütün qeydiyyatsız səxsi evlər qeydə alınacaq. Kommunikasiya xətləri yanındakı ev sahiblərinə isə torpaq sahəsi veriləcək və kompensasiya ödəniləcək. Qəzalı vəziyyətdə olan binalarda yaşayan bütün qaçqınlar, o cümlədən mənzilə ehtiyacı olan bütün şəhid ailələri, Qarabag əlilləri mənzillə təmin olunacaq. Və bu məqsədlə Neft Fondundan vəsait ayrılacaq. Konstitusiya islahatlarının aparılması üçün qeydiyyatdan keçmiş bütün siyasi partiyaların iştirakı ilə komissiya yaradılacaq. Bundan sonra isə platformada nəzərdə tutlan digər islahatlar həyata keçiriləcək.(azpolitika.info)



pia.az


Etiket:


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Aprel ayında bu bürcü fantastik pul və yeni vəzifə gözləyir

Sabiq milli təhlükəsizlik naziri Namiq Abbasov vəfat edib

Azərbaycan XİN Namiq Abbasovun vəfatı ilə bağlı paylaşım edib

Hikmət Hacıyev NATO-nun eks-baş katibi ilə bağlı paylaşım edib: Hesabatına ödənişi əlavə etməyi unudub

“Crocus”da insanları xilas edən Emil Hüseynov və anası baş verənlərdən danışdılar - Video

"Belə iddia səsləndirəndə mətndə rəqəm, hesabat olur, daha səbət və gilas yox" - AYNA sərt tənqid edildi

Azərbaycanda polkovnik-leytenant vəfat etdi - Foto

Bakıda və üç rayonda qazın verilişində məhdudiyyət olacaq

Binə qəbiristanlığında çayxana tikilir? - Video

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Ən çox oxunanalar