Dünən Neftçala rayonunun Yeniqışlaq kəndi ərazisində boğulan 3 nəfərdən ikisinin cəsədi tapılıb
Virtualaz.org-un Şirvan bürosunun məlumatına görə, bir qədər əvvəl eyni vaxtda və eyni yerdən tapılmış cəsədlər FHN-nin dalğıc xilasediciləri tərəfindən sudan çıxarılaraq aidiyyatı üzrə təhvil verilib.
Hazırda sudan çıxarılan cəsədlərin şəxsiyyəti dəqiqləşdirilir və üçüncü şəxsin axtarışları davam etdirilir.
***
Xəbər verdiyimiz kimi, dünən günorta saatlarında Baş Mil-Muğan kanalının Neftçala rayonunda Xəzərə tökülən hissəsində 3 nəfər boğulub. Suda boğulanlar Həsənabad qəsəbə sakinləri - 27 yaşlı Şəhriyar Telman oğlu Nəcəfov, 29 yaşlı Fərid Namiq oğlu Babayev və 26 yaşlı Fariz Arif oğlu Alıkişiyevdir. Onlar 4 yoldaş həmin əraziyə istirahət üçün gəliblərmiş. Lakin yoldaşlardan birinin yanında azyaşlı uşağı olduğu üçün çimmək üçün suya girməyib. Qalan 3 nəfər isə çimərkən suda olan burulğana düşərək bilrlikdə boğulublar.
pia.az