ABŞ-ın Aeronavtika və Kosmik Tədqiqatlar Milli Agentliyi (NASA) yeni planet kəşf edib
"Yeni Sabah" NASA-ya istinadən xəbər verir ki, yeni aşkarlanan planet Yer kürəsi ölçüsündədir və atmosferi yoxdur.
LHS 3844b adlandırılan planet Yerdən 48,6 işıq ili uzaqlıqda yerləşir. Planet “Qırmızı cırtdan” sinfinə məxsus olan ulduzunun ətrafında cəmi 11 saat ərzində dövrə vurur.
Astronomlar bildirirlər ki, ulduzuna yaxın yerləşən LHS 3844b planeti həmişə ulduza tərəf bir yönü ilə baxır. Məhz bu amil planetin atmosferinin olmadığını deməyə əsas verir. Planetin “gündüz” hissəsi 770 dərəcə Selsiyədək qızır, “gecə” tərəfi isə daha sərin olur. Temperaturun bu qədər yüksək olması da planetin atmosferə sahib olmadığını göstərir.
Planeti aşkarlayan Lora Kraydberq bildirir ki, yeni planetdə temperatur ən yüksək həddi belə keçib:
"LHS 3844b daha çox atmosferi olmayan nəhəng daşı xatırladır".
pia.az
Digərxəbərlər
Populyar xəbərlər
