Dünyada 1,2 milyon insanda aşkar edilən və 64 mindən çox insanın ölümünə səbəb olan koronavirus pandemiyasının zəif nöqtəsi tapılıb...
PİA.az xəbər verir ki, mütəxəssislərin sözlərinə görə onlar hazırda bu istiqamətdə çalışırlar və peyvənlərlə xəstəliyi aradan qaldırmağa nail olacaqlar. Bu haqda nüfuzlu “Science” (Elm) jurnalında məqalə dərc olunub. Məqalədə bildirilir ki, koronavirus pandemiyasıyla mübarizədə dərmanlardan da istifadə olunacaq.
Bioloq Ian Vilson və qrupu tərəfindən təqdim edilən araşdırmada, aşkar edilən həssas bölgənin virusun törədilməsində əsas mövqe olduğu bildirilir. Bütün bunlar SARS virusuna yoluxan bir insan üzərində aparılan müayinədən sonra kəşf edilib. Elm adamları araşdırma zamanı antikorun virusa yapışdığını və virusdan çıxarıldığını aşkar ediblər.
Alimlər koronavirusa qalib gələn insanlara müraciət edərək qan vermələrini xahiş ediblər. Onların sözlərinə görə həmin qan vasitəsi ilə antikorları müayinə edə biləcəklər. (Moderator.az)
pia.az