General Ayaz Həsənov çətin vəziyyətə düşüb
Müdafiə Nazirliyindəki mənbədən PİA.ZA daxil olan məlumata görə nazir Zakir Həsənov Beyləqan korpusunda təmizləmə əməliiyatına başlayıb.
Xatırladaq ki, PİA.AZ bir müddət əvvəl məlumat vermişdi ki, keçmiş nazir Səfər Əbiyevin «qala»sı saylan Beyləqan Korpusuna Zakir Həsənovun səfərindən sonra bir çox dəyişiklik olacaq və nazir Səfər Əbiyevin «qala»sını tədricən dağıdacaq.
Bu məsələ ilə bağlı redaksiyamıza yeni məlumat verən mənbənin iddiasına görə artıq Beyləqan korpusunda bir çox dəyişikliklər aparılmaqdadır. Belə ki, keçmiş nazir Səfər Əbiyevin dövründə rütbəsi qaldırılmayan 50-yə yaxın zabitin rütbəsi qaldırılıb, eyni zamanda həmin zabitlərin vəzifələri yüksəldilir.
Mənbə bildirir ki, yaxın günlərdə nazir Zakir həsənov Beyləqan Korpusunun komanadanı general Ayaz Həsənovu da dəyişdirəcək və artıq bu işə hazırlıq getməkdədir. Bildirilir ki, Zakir Həsənovun əmri ilə bir neçə polkovnik general Ayaz Həsənovun müavini vəzifəsinə gətiriləcək və bundan sonra general vəzifədən alınacaq.
Məlumatda o da qeyd olunur ki,korpus komandiri general Ayaz Həsənov buna baxmayaraq təslim olmaq istəmir və Zakir Həsənovun etimadını qazanmağa çalışır.
Xatırladaq ki, Beyləqan Korpusu əsgər yeməklərinin, orduya ayrılan yanacaqların qeyri qanuni satılması il tez tez gündəmə gəlib.
Qarşı tərəfin mövqeyini dərc etməyə hazırıq…
pia.az
Digərxəbərlər
Populyar xəbərlər
