XİN rəhbəri Dieqo Peri Rodrigez prezident seçkisi ilə bağlı mətbuat konfransı keçirib...
XİN rəhbəri Dieqo Peri Rodrigez Qoşulmama Hərəkatına üzv ölkələrin dövlət və hökumət başçılarının XVIII Bakı Zirvə Görüşünün debat müzakirələrindən sonra ölkəsində başa çatmış prezident seçkisi ilə bağlı mətbuat konfransı keçirib.
APA-nın xəbərinə görə, Xarici İşlər naziri Dieqo Peri Rodrigez deyib ki, 20 oktyabrda keçirilən seçkilərin nəticələrinin hesablanması dünən bitib.
“Nəticələr görə Evo Morales növbəti 5 il üçün Prezident seçilib. O, seçkidə 47.08 faiz səslə qalib gəlib. Digər namizəd 36 faiz səs toplayıb. Konstitusiyamıza görə, səs fərqi 10 faizdən yuxarıdırsa, səsvermənin ikinci raunduna ehtiyac yoxdur. Səs fərqi 66000 nəfərdir. Bu qalibiyyət xalqın qalibiyyətidir. Aparılan uğurlu siyasətin nəticəsidir. Xalq öz etimadını prezidentə göstərdi”, – o deyib.
QH-nin Bakıda keçirilən XVIII Zirvə görüşü ilə bağlı sualı cavablandıran Boliviyanın XİN başçısı bu görüşün böyük tarixi əhəmiyyəti olduğunu vurğulayıb: “İnanırıq ki, Azərbaycanın sədrliyi dövründə bir çox problem həllini tapacaq. Boliviya hökuməti Azərbaycanın sədrliyi dəstəkləyəcək və sədrlik dövründə Azərbaycanın təşkil etdiyi bütün görüşlərdə aktiv iştirak edəcək”.
pia.az
Digərxəbərlər
Populyar xəbərlər
