Sabah bəzi ərazilərdə qaz kəsiləcək - Yenilənib    

Bu barədə “Azəriqaz” İstehsalat Birliyi (İB) məlumat yayıb.

Bildirilib ki, saat 10:00-dan Sabunçu rayonu, Maştağa qəsəbəsinin Xanlar küçəsində tənzimləyici şkafın torpaq səthindən dayaqlara qaldırılması, Sumqayıt  şəhərinin 2-ci mikrorayon ərazisində qaz xəttinin yerinin dəyişdirilməsi,  saat 11:00-dan isə “Ramanı Südçülük sovxozu”na gedən ortatəzyiqli qaz kəmərinin və “Xaşa-Xuna (Berz)” ölçü qovşağı üzərində quraşdırılmış kollektordan ayrılan qaz kəmərinin hava kompressor vasitəsilə kipliyə sınaq olunması məqsədi qaz təchizatı dayandırılacaq.

Məlumata görə, təmir işləri görülən müddətdə Sabunçu rayonunun (Ramanı Südçülük Sovxozu və Maştağa qəsəbəsi, Daş karxanasının bir hissəsi), Xəzər rayonunun (Xaşa-Xuna qəsəbəsi), Sumqayıt  şəhərinin (2-ci mikrorayon ərazii) və Sabunçu rayonunun (Maştağa qəsəbəsinin Xanlar küçəsi) qaz təchizatında müvəqqəti fasilə yaranacaq.

***

Sabah Cəlilabad rayonun bir neçə yaşayış massivində qaz təchizatı dayandırılacaq.

Bununla bağlı məlumat Cəlilabad Rayon İcra Hakimiyyətinin rəsmi səhifəsində paylaşılıb.

Belə ki, 16 may 2024-cü il tarixində saat 10:00 radələrindən görüləcək işlər başa çatanadək Maşlıq, Muğan və Söyüdlü yaşayış məntəqələri üzrə 1800 abonentin mavi yanacaqla təchizatında fasilə yaranacaq.

Abonentlərdən qaz təchizatı avadanlıqlarını nəzarətdə saxlamaq və təhlükəsizlik tədbirlərinə riayət etmək xahiş olunur.

Poliqon.info