Kiyev Rusiya Silahlı Qüvvələrinin Xarkov vilayətində irəliləməsi fonunda ABŞ-a təzyiq göstərir ki, Amerika silahları ilə Rusiya ərazisinə zərbələr endirmək üçün icazə alsın. Lakin Vaşinqton buna qarşıdır...
Poliqon xəbər verir ki, bu barədə Politico qəzeti rəsmilərə istinadən yazıb.
Bundan əvvəl Böyük Britaniya Müdafiə Nazirliyinin rəhbəri Qrant Şapps etiraf etmişdi ki, London yarımadanı Ukraynanın bir hissəsi hesab etdiyi üçün Kiyevə Britaniyanın verdiyi silahlarla Krımı vurmağa icazə verib.
"Ukrayna rəsmiləri Bayden administrasiyasını Rusiyaya zərbələr endirmək üçün ABŞ istehsalı olan silahların istifadəsinə qoyulmuş qadağanı aradan qaldırmağa məcbur etmək üçün yeni səylər göstərirlər", deyə "Politco" yazıb.
Nəşrin məlumatına görə, Ukrayna rəsmiləri iddia edirlər ki, məhz ABŞ-ın bu siyasəti onları Rusiyanın mövqelərinə hücum etməkdən saxlayıb. Bununla belə, Bayden administrasiyasının siyasəti dəyişməyib. Bu barədə adı açıqlanmayan iki ABŞ rəsmisi qəzetə bildirib.
"Yardım Rusiya ərazisində hücum əməliyyatları deyil, müdafiə üçün nəzərdə tutulub", deyə mənbələrdən biri qeyd edib.
Qeyd edək ki, Rusiya qüvvələri bir neçə gündür Xarkov vilayətində fəal şəkildə irəliləyir. Mayın 12-də Rusiya Müdafiə Nazirliyi elan edib ki, Borisovka, Oqurtsovo, Pletenevka, Pılnaya və Streleçya, ertəsi gün Qatişe, Krasnoye, Moroxovets və Oleynikovo nəzarətə götürülüb.
Poliqon.info
Digərxəbərlər
Populyar xəbərlər
