Macarıstan Avropa İttifaqının Rusiyadan gələn mayeləşdirilmiş təbii qaza (LNG) qarşı sanksiyalar tətbiq etmək təşəbbüsünü dəstəkləmir və ona mane ola bilər. ..
Poliqon xəbər verir ki, bu barədə "Politico" qəzetinin Avropa bürosu diplomatlara istinadən məlumat yayıb.
Budapeşt ötən həftə səfirlər arasında ilkin danışıqlar zamanı yeni təklifə ciddi şübhələr ifadə edərək, tədbirə açıq şəkildə qarşı çıxmaqdan imtina edərək, ehtiyatlılığını nümayiş etdirib. "Politico" yazır ki, Macarıstanın baş elçisi ölkəsinin Avropada enerji xərclərini artıran istənilən sanksiyanı bloklayacağını bildirib.
"Biz paketi təhlil edəcəyik, lakin Aİ-nin qaz bazarına mənfi təsir göstərə biləcək heç bir şeyi dəstəkləmirik", deyə nəşrin mənbələri diplomatların görüşü zamanı macar rəsminin sözlərindən sitat gətirir.
Bundan əvvəl enerji analitiki və Avstriyanın keçmiş xarici işlər naziri Karin Knaysl bəyan etmişdi ki, Avropa ölkələri ən azı 2030-cu ilə qədər Rusiya qazından tamamilə imtina edə bilməyəcəklər.
Poliqon.info