Minsk qrupunun «xidməti»ndən imtina etməyin vaxtı çatıb…

İyunun 10-da Rusiyanın Azərbaycandakı səfiri Mixail Boçarnikov «Trend» informasiya agentliyində keçirilən mətbuat konfransında bildirib ki, bu iki dövlətə bölgə ölkələri ilə münasibətləri inkişaf etdirirlər. Bu kontekstdə Rusiya-Azərbaycan-İran üçtərəfli format üzrə əməkdaşlığı cəlbedicidir.

Rusiyalı diplomat xəbər verib ki, cari ilin axırına qədər Rusiya-Azərbaycan-İran sammitinin keçirilməsi gözlənilir.

«Hələlik sammitin keçirilməsinin dəqiq tarixini söyləmək çətindir. Məlumdur ki, bu tədbir 2019-cu ilin sonuna qədər baş tutmalıdır. Bu dəfə üçtərəfli formatda sammit Rusiyada keçiriləcək.Tədbir çərçvəsində dövlət başçılarının iştirakı ilə yüksək səviyyədə görüş baş tutacaq» - səfir bildirib.

«Rusiya Qarabağ münaqişəsinin sülh yolu ilə tənzimlənməsinin tərəfdarıdır və danışıqlar prosesinin davam etdirilməsini alqışlayır» – deyə, səfir jurnalistin «ATƏT-in Minsk qrupunqun həmsədrləri bölgəyə bu yaxınlardakı səfəri zamanı münaqişə tərəflərinə hansı kokret təkliflər irəli sürüblər?» – sualına cavab verərkən qeyd edib.

Onun sözlərinə görə, MQ həmsədrləri bu probemin həlli üzrə tənzimləmə məsələsində öz təkliflərinin detallarını açıqlamırlar.

«Həmsədrlərin bu yaxınlardakı birgə bəyanatında təhlükəsizliyin dəstəklənməsi və humanitar sferadan söhbət açılır. Hələlik məlum deyil ki, xarici işlər nazirləri yaxın vaxtlarda görüşmək barədə təklifi qəbul ediblərmi? Dəqiq tarix barədə görüş ərəfəsində xəbər veriləcək» – rusiyalı diplomat bildirib.

Xatırladaq ki, bölgəyə son səfər zmmanı həmsədrlər Qarabağ tənzimləməsi prosesində gələcək konkret addımlar, o cümlədən, humanitar tədbirlər və təhlükəsizlik tədbirləri barədə təklif irəli sürüblər. Azərbaycan və Ermənistan xarici işlər nazirləri həmsədrlərin yaxın vaxtlarda onların çətiri altında görüşmək barədə təklifini qəbul ediblər.

Göründüyü kimi, nə həmsədrlərin təklifində, nə də Rusiya səfirinin suala cavabında hər hansı konkretlik yoxdur. Belədə, görüşmək və danışmaq təklifinin gerçək məqsədi yalnız görüntü yaratmaq və Azərbaycan xalqının «başının altına yastıq qoymaq» məqsədi daşıya bilər. Odur ki, Minsk qrupunun «xidməti»ndən imtina etməyin vaxtı çatıb…

pia.az