Milli Məclisin yaz sessiyasında ilk komitə iclası başlayıb.
PİA.az-ın xəbərinə görə, hazırda parlamentin Elm və təhsil komitəsinin toplantısı keçirilir.
Deputatlar əvvəlcə komitənin 2022-ci ilin yaz sessiyası üçün iş planını və ötən sessiyada görülən işlərin hesabatını müzakirə edəcəklər. Daha sonra isə cari məsələlər ətrafında fikir və təkliflərini söyləyəcəklər.
Bu gün eyni zamanda, parlamentin Regional məsələlər komitəsinin də ilk iclası baş tutacaq. Toplantıda Milli Məclisin 2021-ci ilin payız sessiyası dövründə Regional məsələlər komitəsində görülən işlər barədə hesabat dinləniləcək, yaz sessiyası üçün iş planı müzakirə olunacaq.
***
Bu gündən Milli Məclisin yaz sessiyası çərçivəsində komitə iclasları başlayır.
PİA.az-ın məlumatına görə, bu gün parlamentin Elm və təhsil, Regional məsələlər və digər komitələrinin iclasları keçiriləcək.
Qeyd edək ki, Milli Məclisin Daxili Nizamnaməsinə əsasən, deputatlar yanvar ayının 1-dən 15-dək tətilə buraxılmışdı.
pia.az
Digərxəbərlər
Populyar xəbərlər
