"Barselona"nın kapitanı Lionel Messi Çempionlar Liqasının yarımfinal mərhələsində "Liverpul"a 0:4 hesabı ilə uduzduqları cavab oyunundan sonra göz yaşlarını saxlaya bilməyib
PİA.AZ qol.az-a istinadən xəbər verir ki, argentinalı superulduz final fitindən sonra paltardəyişmə otağında ağlayıb. Ardınca dopinq-testə aparılan futbolçu Liverpul aeroportunda da xoşagəlməz hadisə ilə üzləşib. Bir qrup "Barsa" azarkeşi darmadağına görə Messinin əleyhinə şüarlar səsləndirib.
Qeyd edək ki, İspaniyadakı ilk oyunda "Liverpul"a 3:0 hesabı ilə qalib gələn "Barselona" cavab matçında 0:4 uduzaraq, finala çıxa bilməyib.
pia.az