Məşhur yazıçı Salman Rüşdi Nyu-Yorkda hücuma məruz qalıb

Məşhur yazıçı Salman Rüşdi Nyu-Yorkda hücuma məruz qalıb.

APA CNN-ə istinadən xəbər verir ki, hadisə şahidlərinin sözlərinə görə, Salman Rüşdi tədbirlərin birində məruzə edərkən bir nəfər əlində bıçaqla səhnəyə çıxaraq ona hücum edib. Dünya şöhrətli yazıçının səhhəti ilə bağlı hələ ki məlumat yoxdur.

Qeyd edək ki, ona edilən hücuma səbəb 1989-cu ildə yazdığı “Şeytan ayələri” kitabı olub.

Həmin kitab satışa buraxılan gündən çox böyük səs-küyə səbəb olmuşdur.

Kitabda İslam dininə xas təməl prinsiplərinin müasir dövrlə uyğunlaşdırılması halları var.

Bu kimi hallar İslam dininə qarşı həqarət kimi qəbul edildiyindən kitaba və müəllifə qarşı dəfələrlə etiraz və təhdidlər olub.

pia.az