Məşhur ulduz səkkiz ildən sonra aktyorluğa qayıdır

49 yaşlı amerikalı aktrisa Kemeron Diaz səkkiz illik fasilədən sonra filmlərə qayıdır.

Milli.Az CNN-ə istinadən bildirir ki, ulduz bu barədə İnstaqram hesabında məlumat verib.

Diaz Netflix-in yeni filmi "Back in Business"də rol almağa hazırlaşır. Onun çəkilişdəki tərəfdaşları aktyorlar Tom Bredi və Ceymi Foks olacaq. Sonuncu ilə sənətçi 2014-cü ildə "Annie" filmində birlikdə oynayıb. Film aktrisanın karyerasında fasilədən əvvəl filmoqrafiyasındakı son tammetrajlı layihə olub.

"Ceymi Fok? Yalnız sən məni qaytara bilərsən. Mən gözləyə bilmirəm, lənətə gəlsin, bu, bir partlayış olacaq!" - çəkiliş meydançasında həmkarları ilə yazışmalarını aktrisa sosial şəbəkələrdə paylaşıb.

Filmin rejissoru Set Qordon, Foks isə icraçı prodüserlərdən biri olacaq. Filmin buraxılış tarixi, eləcə də hekayə xəttinin təfərrüatları hələlik gizli saxlanılır, lakin "Back in Business" filminin istehsalına bu il başlanacağı məlumdur.

2020-ci ilin yanvarında ulduz "Good Charlotte" qrupunun gitaraçısı Bendji Maddendən Reddiks adlı qızı dünyaya gətirərək ilk dəfə ana oldu. Həmin ilin yayında aktrisa kinodan getməsini açıqladı.

pia.az