“Məhkəməni oyuncağa çevirən bu adamlar indi məndən nə istəyir?” - Murad Köhnəqala

“Bu günədək barəmdə çıxarılan məhkəmə qərarlarını hansı hüquqşünasa göstərmişəmsə, hamısı birmənalı şəkildə mənə qarşı haqsızlıq olduğunu bildirib.”

Pia.az xəbər verir ki, bu sözləri tanınmış yazıçı Murad Köhnəqala özünün Facebook səhifəsində qeyd edib. Yazıçının Tovuz Rayon Məhkəməsi barədə olan şikayətini təqdim edirik:

“Tovuz Rayon Məhkəməsi mənimlə açıq-aşkar düşmənçilik edir 15 sutka azadlıqdan məhrum edilməyim barədə qərar çıxaran məhkəmə sədri Qafil Baxşıyev və hakim Rəşad Məmmədovun düzənlədiyi məhkəmədən heç bir ay keçməyib, məni yenidən məhkəməyə çəkirlər. Qarşı tərəfə bir ayda 2500 manat ödəniş etmişəm. İndiyədək abrıma qısılıb, özümə vəkil tutmamışam. Bu günədək barəmdə çıxarılan məhkəmə qərarlarını hansı hüquqşünasa göstərmişəmsə, hamısı birmənalı şəkildə mənə qarşı haqsızlıq olduğunu bildirib. Tovuz Məhkəməsi alimentin məbləğindən tutmuş, qeyri-rəsmi ödənişlərə kimi, uşaqların saxlanmasına dair hər iki valideynin öhdəlik daşımasına, uşaqların yaşının 18-i keçməsinə qədər aliment verilməsi haqqında qanunda təsbit olunan bütün maddələri kobudcasına pozub. Məhkəməni oyuncağa çevirən bu adamlar indi məndən nə istəyir, çox maraqlıdı? Bunlar Azərbaycan məhkəməsinin imicini korlamaqla, biabır etməklə kim(lər)in sifarişini həyata keçirirlər görəsən?”