Şənbə, 24 Oktyabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Məhbuslarımız Jan Valjanın taleyini yaşayacaqlarmı – Dövlət yaxşı adam rolunda

Keçmiş məhkumların iş tapa bilmədikləri üçün yenidən həbsxanaya düşmələrini kimsə istəməz

Viktor Hüqonun “Səfillər” romanında, ailəsini aclıqdan qurtarmaq üçün bir mağazadan çörək oğurlayan Jan Valjan adlı bir işsiz gəncdən bəhs edilir. Jan Valjan tutulur və katorqaya göndərilir. Sərbəst buraxıldıqdan sonra uzun müddət iş tapa bilmir və yalnız xeyirxah insanlarla görüş onu başqa bir cinayət törətməkdən qurtarır...

13 avqust 2020-ci ildə, Ədliyyə Nazirliyində, bəzi əməllərin dekriminallaşdırılması ilə bağlı cinayət qanunvericiliyinə edilmiş dəyişikliklərlə əlaqədar 1000-ə yaxın işə baxıldı. Nəticədə 100 məhkum cəzadan tamamilə azad edildi. 211 məhkumun cəza müddətləri azaldıldı və ya daha yüngül cəza növləri ilə əvəz edildi.

SSRİ-nin mövcud olduğu dövrdə dövlət keçmiş məhkumların işlə təmin olunmasına cavabdeh idi. Keçmiş məhkumlar azadlığa çıxdıqdan sonra gündəlik çörəkləri barədə düşünmək məcburiyyətində deyildilər.

Bəs, bu gün keçmiş məhkumların işlə təmin olunması məsələsi necə həll olunur? AYNA suala aydınlıq gətirməyə çalışıb.

Ədliyyə Nazirliyi Penitensiar Xidmətinin İctimaiyyətlə əlaqələr şöbəsinin müdiri Mehman Sadıqov deyib ki, onun təmsil etdiyi qurum keçmiş məhkumların işlə təmin olunması ilə məşğul olmur.

Əmək və Əhalinin Sosial Müdafiəsi Nazirliyinin mətbuat xidmətinin rəhbəri Fazil Talıblının bildirdiyinə görə isə, həbsxanadan çıxan şəxslər yerli məşğulluq idarələri tərəfindən kvotaya uyğun olaraq, işlə təmin olunurlar: “Cəzaçəkmə müəssisələrindən azad edilmiş şəxslərin məşğulluq proqramlarında iştirakı üçün də şərait yaradılır”.

Gözdən Əlillər Cəmiyyətinin sədri müavini Reyhan Cəfərova qeyd edib ki, hazırda kvotaya uyğun olaraq, kiminsə iş tapması çox çətindir. O, öz fəaliyyətində bunu dəfələrlə şahidi olub: “Çünki müəssisələr dövlət tərəfindən verilən kvotaya sadəcə əməl etmir”.

Xatırladaq ki, 6 aprel 2020-ci ildə Azərbaycan Prezidenti İlham Əliyev 65 yaşdan yuxarı bəzi məhkumları cəzalarının qalan hissəsini çəkməkdən azad etdi. Bunlardan biri də Balakən rayon sakini Yusif Ukalayevdir.

O, söhbətində deyib ki, həbsdən çıxdığı artıq beşinci ay olsa da, indiyədək iş tapa bilməyib: “Həqiqətən, bir işə ehtiyacım var. Ailəmiz altı nəfərdən ibarətdir. Və yalnız gəlinim işləyir. Mənə iş tapmaqda kömək edin”.

Keçmiş məhbusların iş tapa bilmədikləri üçün yenidən həbsxanaya düşmələrini istəməzdik. Dövlət bu problemi həll etməlidir ki, keçmiş məhbuslar Jan Valjanın taleyini təkrarlamasınlar. Axı, heç kim Valjandan fərqli olaraq, bizim məhbusların bir parça çörək qazanmasına kömək edəcək yaxşı insanlarla qarşılaşacaqlarına zəmanət vermir. Belə yaxşı insanların rolunu dövlət oynamalıdır.

pia.az


Etiket: məhbuslar


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

İran çətin seçim qarşısında qalıb: Xristian Ermənistanı, yoxsa müsəlman Azərbaycanı müdafiə etməli?

Xankəndində ermənilər Azərbaycan Prezidentinin çıxışını belə izləyir

Kiberhücum: Bakı sakininin bank kartından külli miqdarda pul oğurlandı

“Müharibəyə bu şərtlə son qoyula bilər” - Ceyhun Bayramovun “The Washington Times”da məqaləsi

Pompeonun “barıt qoxusu” gələn sülh çağırışı

Dərman göz önündədir, sadəcə onu görmək lazımdır - Vanqadan 2021 proqnozları

Tonoyan Laçının müdafiəsinə şəxsən rəhbərlik etmək üçün Qarabağa gəlib

Peyğəmbəri təhqir edən karikaturalar dövlət binalarından asıldı - Makrondan skandal addım

Elmar Məmmədyarov: “Babalı Paşinyanın boynuna” - Müsahibə

loading...

Ən çox oxunanalar