Bazar, 17 Yanvar 2021
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

Media ekspertindən agentlik şərhi

Hüquqşünas, media eksperti Ələsgər Məmmədli Kütləvi İnformasiya Vasitələrinin İnkişafına Dövlət Dəstəyi Fondunun əsasında Medianın İnkişafı Agentliyi publik hüquqi şəxs yaradılmasına münasibət bildirib. Novator.az-ın məlumatına görə, o yazır ki, yeni qurum çap mediası və onlayn media sahəsində inzibati cəzalandırmaqdan tutmuş sahibkarlıqla məşğul olmağa qədər geniş səlahiyyətlər alıb: “Agentliyin nizamnaməsində qanunvericilikdə olmayan anlayışlardan istifadələr də mövcuddur. Məsələn, “KİV haqqında”, “Teleradio haqqında” qanunlarda olmayan audiovizual media subyektləri anlayışı.

Medianın fəaliyyətinə nəzarət edən mərkəzi icra hakimiyyəti qurumunu Avropa Şurasına girərkən ləğv etmişdik (Mətbuat və İnformasiya Nazirliyinin 2001-ci ildə ləğv olunmasnı nəzərdə tutur – red.). İndi publik hüquqi şəxs formatında yeni bir mərkəzi icra hakimiyyəti orqanı yaradıldı. Üstəlik, qarmaqarışıq səlahiyyətlərlə, cəmiyyətdə müzakirəsi aparılmadan…

Belə bir qurum yaradılmadan öncə məsələ media ictimaiyyətinin müzakirəsinə çıxarılmalı, ehtiyaclar və mümkün addımlar müzakirə edilməli idi”.

Medianın İnkişafı Agentliyi publik hüquqi şəxs yanvarın 12-də yaradılıb. Prezident fərmanı ilə təsdiqlənən nizamnaməsinə əsasən, Medianın İnkişafı Agentliyi medianın inkişafının dəstəklənməsi, media sahəsində mütəxəssislər hazırlanması və onların əlavə təhsilinin təşkili, audiovizual, çap, onlayn media subyektlərinin və informasiya agentliklərinin, habelə jurnalistlərin və digər media işçilərinin fəaliyyətinin, eləcə də media sahəsində yeni informasiya-kommunikasiya texnologiyalarının və innovasiyaların tətbiqinin stimullaşdırılması istiqamətində fəaliyyət göstərir.

Qurumun fəaliyyət istiqamətləri sırasında onlayn mediada yayımlanan informasiya qanunla nəzərdə tutulan tələblərə cavab vermədikdə bununla bağlı tədbir görülməsi məqsədilə aidiyyəti üzrə müraciət etmək; çap mediası və onlayn media sahəsində inzibati xəta əlamətləri aşkar etdikdə İnzibati Xətalar Məcəlləsinə uyğun olaraq tədbirlər görmək, cinayət əlamətləri olduqda isə aidiyyəti üzrə məlumat vermək kimi məsələlər də var.

Qurumun fəaliyyətinə ümumi rəhbərliyi və nəzarəti prezidentin vəzifəyə təyin etdiyi sədr və 6 üzvdən ibarət Müşahidə Şurası həyata keçirir.

Cari rəhbərlik prezidentin vəzifəyə təyin etdiyi icraçı direktorun səlahiyyətindədir.

Yanvarın 12-də prezident həmçinin sərəncam imzalayaraq Əhməd İsmayılovu Medianın İnkişafı Agentliyinin icraçı direktoru təyin edib. Əhməd İsmayılov 2020-ci il aprelin 4-dən Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru idi.

Kütləvi İnformasiya Vasitələrinin İnkişafına Dövlət Dəstəyi Fondu 2009-cu ildən fəaliyyət göstərirdi.

pia.az


Etiket:


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

Ermənistan parlamentinin sədri agent olub – Keçmiş səfir sənəd paylaşdı

Koronavirusdan da betər epidemiya yayılıb” - Rusiyalı həkim

Rusiya Azərbaycan üzərindən Ermənistana hərbi yük daşıyır...

“Elə bir ənənə yaranıb ki, kim rəhbərliyə pul verir, onu efirə aparıcı kimi çıxarırlar...”

Sabahdan bu müəssisələrdə vaksinasiya aparılacaq - Siyahı

“Rusiya sülhməramlıları Azərbaycanın suverenliyini pozurlar“ - Nazir

İranın buraxdığı uzaqmənzilli raketlər Amerika təyyarədaşıyanının həndəvərinə düşdü

Azərbaycanda Xalq artistinin brilyantlarını oğurlayıblar

Siyavuş Aslanın oğlu küçədə yaşayır - Video

“Rusiya sülhməramlıları Azərbaycanın suverenliyini pozurlar”

loading...

Ən çox oxunanalar