Dünya ictimaiyyəti tərəfindən tanınan Liviya Milli Barışıq Hökuməti (MBH) dünən Tripoliyə hücum etmiş general Xəlifə Xaftarın həbsinə order verib
Virtualaz.org “Deutsche Welle”yə istinadən xəbər verir ki, hərbi prokurorluq Liviya Milli Ordusunun komandanının və onun altı əməkdaşının həbsi barədə qərar çıxarıb. Onlar Liviya paytaxtında yaşayış məhəlləsinə hava hücumunda ittiham edilirlər.
Həmçinin dünən BMT Təhlükəsizlik Şurası Liviya üzrə yekdil mövqeyə gələ bilməyib. Rusiya və ABŞ Britaniyanın bu ölkədə münaqişə üzrə hazırladığı qətnaməni rədd ediblər. Moskva son hadisələrə görə məsuliyyəti general Xaftarın üzərinə qoyan bəndə etirazını bildirib.
Bununla yanaşı, Liviya DİN başçısı Fəthi Əli Başaqa rəsmi Parisi Xaftarı dəstəkləməkdə ittiham edib. Nazir bildirib ki, rəhbərlik etdiyi qurum Fransa ilə bütün əlaqələrini kəsir. Öz növbəsində, Fransa XİN ittihamları “qətiyyən əsası olmayan” adlandırıb.
pia.az
Digərxəbərlər
Populyar xəbərlər
