Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Lerikin icra başçısına ağır ittihamlar

Azərbaycan Respublikasının Prezidenti cənab İlham Əliyevə müraciət...

Surəti:

Azərbaycan Respublikasının Birinci vitse-prezidenti Mehriban xanım Əliyevaya

Lerik rayonunda yaşayan, SSRİAzərbaycan Jurnalistlər Birliyinin üzvü,

“Qızıl qələm” mükafatı laureatı, YAP-nın üzvü İlham İbadovdan

Telefon: 050 673 45 45

AÇIQ MƏKTUB

Cənab Prezident!

Hörmətli səlahiyyət sahibləri!

Məkri-zənən şəri tarixən olub. Evimizdə qulağım açılanı daim namaz səsi eşitmişəm. Evdə ata-atam namaz üstə belə dua edərdilər: “İlahi, məni, balalarımı və bizi istəyənləri məkri-zənən şərindən uzaq et!” Mən nə biləydim ki, məkri-zənən şəri mənim də qarşıma çıxacaq? Çıxacaq deyəndə, Lerikin İcra başçısı məni məkri-zənən şərinə salıb.

Mən Lerik rayonunun Züvüç kəndində dünyaya göz açmışam. Gənclik illərimin söhbətidir. Kəndimizdə bir qadın yaşayırdı. Əslən Şirvan şəhərindən idi. Özü də ailənin tək oğlu olan Aydın Şəfiyev adlı birisi ilə ailə qurmuşdu. Aydın çox gözəl, boylu-buxunlu, qədd-qamətli bir oğul idi. Sonradan Salyan rayonuna köçdülər. Aydın Şəfiyevin həyat yoldaşı Sara Şəfiyeva Qürbət adlı bir kişi ilə orada əlaqə qurur. Sonda isə o, hadisələrin açıldığından qorxaraq üç oğlunu və üç qızını, həyat yoldaşı Aydın Şəfiyev başda olmaqla, oynaşı ilə köməkləşərək onları yandırır. Təsadüflər üzündən körpələr qurtulur. Ağır yanıq xəsarətləri ilə. Aydın Şəfiyevin isə üstünə çoxlu benzin töküldüyündən yanıb kül olur və oradaca dünyasını dəyişir.

O vaxtlar bu hadisə dəhşətli bir olay idi. Yaşa dolduqca gördüm ki, böyüklərim nə boyda dua edərmişlər. Mən haradan biləydim ki, zaman gələcək və mənim də başıma məkri-zənən şəri zorla qondurulacaq. Ulu Tanrı biz və bizi istəyənlərdən belə şərləri uzaq etsin. Hazırda isə Lerikin İcra başçısı da qadın kölgəsində gizlənərək, özünün məkrli, hiyləgər və riyakar hərəkətlərini ört-basdır etməyə cəhd edir. Aşağıdakı suallarıma Lerikin İcra başçısından (sizlərin köməyi ilə) cavab istəyirəm:

1. Lerik rayon İcra Hakimiyyətinin sabiq başçısı Babaəli Ağayevin şəxsi təşəbbüsü ilə tikilmiş və şəxsən İH-nə məxsus olan ikimərtəbəli oteli kimə və nə üçün “peşkəş” etmisən? Hansı məqsədlə? Mənim şəxsən Babaəli Məmiş oğlu Ağayevlə həmin hotel barədə söhbətim olub. İki dəfə Lerikdə rəhbər işləyən Babaəli Ağayev deyirdi ki, o hoteli heç kəs özəlləşdirə bilməz. Bu, tam şəkildə qanunsuzdur. Əgər “üçəm” uşaq doğana bu qədər ürəyin yanırdısa, onda həmin hoteli “Relax”da işləyən və sənin şəxsi “xidmətçin” olan qadına niyə vermədin? Axı, açıq-aşkar bəlli idi ki, o hoteli özəlləşdirmək qanunsuzdur. Bunu dərk etmirsən?

2. 2007-ci ilin aprel ayında Lerik rayonuna icra “başçısı” təyin olundun. Yadındadırsa, o zaman ərazi-təşkilat məsələləri üzrə şöbə müdiri Zeynal Nağdəliyev səni rayon camaatına təqdim etdi. Guya sənə söz də verdi. Söz deməliydin. Ayağa qalxdın və heykəl kimi lal-dinməz dayandın. Danışmağa, söz deməyə qüdrətin olmadı, savadın çatmadı. İndi isə sənə sual verirəm: Bu müddətdə Lerik rayonunda mənim mənzilim kimi yağmalamısanmı? Bil və agah ol: Lerik sənin üçün Ağdam deyil! Mənim evimin üzərində apardığın, rayonda analoqu olmayan “təcrübəni” kiminsə evində aparmısanmı? Kişiliyin çatırsa, de!

3. Sən əslən ağdamlısan. Hansı gün məni çağırıb dedin ki, gəl gedək Ağdamı, ağdamlıların evini, torpağını ermənilərdən xilas edək? Mən getmədim? Olubmu belə bir söhbətimiz? Mən isə o addımı atmağa hər an, hər dəqiqə hazıram. Və sonda: Bir daha təkrar edirəm, Lerik sənin üçün Ağdam deyil! Yaşasan, nəticəsini görəcəksən. Sənə kim o səlahiyyəti verib ki, on il işsiz saxladığın üç ali təhsilli lerikli ilə bu oyunları oynayasan, bu səviyyədə qəddarlıq edəsən? Özü də qadın kölgəsində gizlənə-gizlənə. Bəs cənab Prezidentin məmurlara barmaq silkələməsindən xəbərin yoxdur? Nə zaman hörmətli Prezidentin tövsiyyələrindən nəticə çıxaracaqsan? Məncə, sən artıq gecikmisən, qatar yola düşüb.

4. Lerik rayon İcra Hakimiyyəti tərəfindən yenə də yuxarılara ötürülən məlumatlarda deyilir: “Üçəm” uşaqları olan Firuzə Quliyevaya Lerik RİH-nin balansında yerləşən 12 saylı binada ev verilib. Bir bu “başçıdan” soruşan yoxdur ki, ayə, sən o otağı İlham İbadova verəndə Firuzə Quliyevanı görmürdün? Onda gözlərin kor idi? Nə tez gözlərini müalicə etdirmisən?

5. Mən dəfələrlə qeyd etmişəm ki, bu ilin 24-ü sentyabrında Lənkəran şəhərində Azərbaycan Respublikası DİN naziri Vilayət Eyvazovun qəbulunda oldum. Ona RİH aparatında davam edən rüşvət və korrupsiya hərəkətləri haqqında ətraflı məlumat verdim. Səhəri gündən başlayaraq başıma bu olaylar açılıb. Evim əldən-ələ keçən vaxt əmim Məhəbbət İbadov bizim evə gəldi. Qarşı tərəfi də bizə dəvət etdi. Onlara dedi ki, bu adam başçıdan şikayət edib. Onunla üzbəüz dayanıb, siz bu oyunlardan kənarda qalın. Ayıb deyilmi! Biz lerikliyik, qohumuq. Axı, belə hərəkətlər yaramaz. Onlar da razılıqla bizim evdən çıxıb getdilər. Sonradan “başçı” yenə onları təkid etmiş və İcra aparatı işçilərini və polisin gücü ilə bizim evə salmışdır.

Bir məsələni də qeyd etmək istəyirəm ki, əmim Məhəbbət İbadov düz yarım əsr ərzində rayonda rəhbər vəzifələrdə işləyib. lerik rayon Komsomol Komitəsinin birinci katibliyindən, Lerik rayon Partiya Komitəsinin birinci katibi vəzifəsinədək bütün rəhbər vəzifələrdə çalışıb. Sonradan Azərbaycan Respublikası Ali Sovetinin deputatı da seçilib. Bu gün bir məsələni vurğulamaq yerinə düşər ki, cənab Prezident İlham Əliyev Lerik rayonuna ilk dəfə gələndə, bir ağsaqqal kimi onu mənim əmim Məhəbbət İbadov qarşılamış və salamlamışdır. Budurmu Lerikin İcra başçısının el ağsaqqalına, böyüyə olan hörməti? Məncə, əlavə şərhə ehtiyac yoxdur.

Sonda yenə bir məsələni vurğulamaq istəyirəm. Biz və bizim ailə həmişə, hər zaman dövlətin yanında olub, dövlətçiliyə sadiq qalıb. Lakin son vaxtlar Lerik rayon İH aparatının, onun başçısının hərəkətlərinə vaxtında və düzgün hüquqi qiymətin verilməməsi bizim ailəni zorla müxalifət cərgəsinə sürükləyir. Bu hərəkətlərin Azərbaycan Respublikasının Baş Prokurorluğu tərəfindən araşdırılmaması daha çox təəccüb və təəssüf hissi doğurur.

Mən bilmək istəyirəm ki, bu hərəkətlərin başında kim durur və bu hərəkətin “Sükançısı” kimdir? İnanmaq istəyirəm ki, bu suallarıma sizin köməkliyiniz vasitəsilə cavab alacağam.

İlham İbadov, Yeni Azərbaycan Partiyasının üzvü, sabiq dövlət qulluqçusu. (deryaz.az)

pia.az


Etiket: Lerik


Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Azərbaycanda polkovnik-leytenant vəfat etdi - Foto

Ermənistanla Gürcüstan arasında demarkasiyası prosesi - İrəvan Tbilisiyə bir kənd verəcək....

Ermənistan Silahlı Qüvvələrinin Baş Qərargah rəisi müharibə istəyir?..

Şadlıq saraylarında menyular bahalaşdı - Qiymətlər

Yarım milyon mənimsəyən baş həkim həbsdə öldü    

Azneft”in baş direktoru vəzifəsindən azad edildi - Yeni təyinat

Ərdoğan: Qarabağda hansı addımı atdıqsa, qarşımıza böyük qlobal ittifaq çıxdı

Qurban Qurbanov hərəkətlərinə fikir verməyən futbolçunu cərimələdi

Ən çox oxunanalar