Lənkəranda baş verən yol qəzası ilə bağlı cinayət işi başlanıb

Daxili İşlər Nazirliyindən verilən məlumata görə, avqustun 28-i saat 19 radələrində Lənkəran rayonu, Bəliton kəndi ərazisində Ələmdar Ağayev sifariş əsasında idarə etdiyi şəxsi “PAZ” markalı avtobusu aşırıb. Nəticədə sürücü hadisə yerində ölüb.

Dərhal hadisə yerinə gələn rayon Polis Şöbəsinin əməkdaşları sərnişinləri təcilli olaraq xəstəxanaya çatdırıblar. Onların əksəriyyətinə ilkin tibbi yardım göstərildikdən sonra evə buraxılıb. Hazırda xəsarət alanlardan bir nəfər xəstəxanada müalicəsini davam etdirilir.

Baş vermiş hadisə ilə bağlı Lənkəran rayon Polis şöbəsində Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb, araşdırmalar davam etdirilir.

pia.az