Çərşənbə, 02 Dekabr 2020
USD : 1.7
EUR : 1.8724
Hava
+16 ° Baku
+8 ° Quba
+8 ° Qusar
+16 ° Gəncə
+11 ° Lənkəran
+18 ° Naxçıvan
+12 ° Salyan
+16 ° Şəki

“Laçının azad edilməsi 3 mənada strateji əhəmiyyətlidir...” - Arif Paşa

“Ali Baş Komandana da müraciət etmişəm, yaşımın 60-ı ötməsinə rəğmən hər an müzəffər ordumuzun torpaqlarımızın azadlığı uğrunda apardığı döyüşlərə bütün bilik və bacarığımla dəstək verməyə hazıram”.

PİA.az xəbər verir ki, bu sözləri keçmiş Laçın alayının komandiri, ehtiyatda olan polkovnik Arif Paşa Laçın rayonunun, o cümlədən “Laçın dəhlizi” deyilən ərazinin strateji əhəmiyyətindən danışarkən söyləyib.

“Öncə nəzərə almaq lazımdır ki, Laçın rayonu işğalçı Ermənistanla bilavasitə dövlət sərhədində yerləşir. Ermənistan isə KTMT-nin arxasında gizlənərək Milli Ordumuza öz ərazisindən atəş açır, ordumuz da təmkin göstərərək həmin əraziyə əks-zərbə endirmir. Məqsəd odur ki, biz Rusiyanın münaqişəyə müdaxilə etməsinə bəhanə verməyək. Ermənilər də bu amildən istifadə edərək digər cəbhədən çox-çox uzaq şəhər və kəndlərimizlə yanaşı, Laçın rayonundakı mövqelərimizi də aramsız atəşə tuturlar. Yəni Laçının azad olunmasına çətinlik yaradan faktorlardan biri budur. Bundan əlavə, relyefin, iqlimin də çətinlikləri var. Laçındakı dağ relyefi müdafiə olunmaq üçün daha əlverişli şərait yaradır, nəinki hücum etmək... Bunlar nəzərə alınmalıdır. Lakin həmin çətinliklərə rəğmən Azərbaycan ordusu əməliyyatları, döyüş tapşırıqlarını çox peşəkar və uğurlu şəkildə həyata keçirir...” - deyə 1-ci Qarabağ savaşı zamanı 4 il ərzində Laçın ərazisinin müdafiəsinə rəhbərlik etmiş polkovnik vurğulayıb.

Laçının azad edilməsi və Gorus-Laçın-Şuşa-Xankəndi yolunun ermənilər üçün qapadılması 3 mənada strateji əhəmiyyətlidir. Hərbi, əməliyyat-taktiki baxımdan onu nəzərə almaq lazımdır ki, Şuşa ilə Laçın bir dairəvi müdafiənin ayrı-ayrı komponentləridir. Vaxtilə 1990-cı illərdə biz deyirdik ki, Laçının işğalı - Şuşanın işğalı deməkdir, Şuşanın da işğalı – Laçının işğal olunması deməkdir. İndi isə əksinə, deməliyik ki, Laçının azad edilməsi - Şuşanın, Şuşanın azadlığı da Laçının azad olunması deməkdir... ŞuşaLaçın bir-biri ilə arxa-arxaya durmuş cəngavərlər kimidirlər. İkincisi, Laçının azad edilməsi o deməkdir ki, düşmənin mühasirə həlqəsi qapanır və nəticədə erməni ordusunda mənəvi-psixoloji düşkünlük yaranır. Bu da müharibədə çox ciddi amil olmaqlə bizim tam və qəti Qələbəmiz üçün böyük faktordur. Üçüncüsü, Ermənistan və Qarabağ arasındakı bu dəhlizin qapanması ilə ermənilərin təchizat-təminatı da, demək olar ki, tamam kəsilir və nəticədə düşmən məğlub duruma düşür...

İnşallah, tezliklə ordumuzun Laçını işğaldan azad etməsi haqda Ali Baş Komandanın rəsmi xəbərini eşidəcəyik və sadaladığımız amillər həyata keçirilməklə Böyük Qələbəmizin bir addımlığında olacağıq...” -deyə keçmiş alay komandiri fikirlərini nikbin notlarla tamamlayıb. (yenisabah.az)

pia.az


Etiket:


Digərxəbərlər

Prezident İlham Əliyev xalqa yenə çağırış etdi

“Əli Həsənovun qudası oğurladığı milyardlardan bir neçə milyonunu xalqa ayırmalıdır” - Aslan İsmayıliv

Populyar xəbərlər

“Qarabağ ermənilərinin kütləvi dönüşü olmazsa...“ - Jirayr Liparityan

Liparityan: “İlham Əliyevlə 3 saat söhbət etdik, ən xırda detalları bilirdi”

Qazaxın işğal olunmuş 7 kəndi ilə bağlı açıqlama

Azərbaycanda Qələbə paradı keçiriləcək - Vaxtı açıqlandı

Türkiyə və Rusiya Qarabağla bağlı anlaşdı - Türklər gəlir...

Bir qrup hərbi qulluqçu səfərbərlik üzrə hərbi xidmətdən tərxis ediləcək - Sərəncam

Pentaqondan Azərbaycan ordusunun Qarabağ döyüşü təcrübəsini öyrənmək üçün daha bir qərar

Ermənistan Tehranın təklif etdiyi planı qəbul etmədi, Azərbaycan isə... – İran səfiri

Şəhid ailələri və qazilərə veriləcək təqaüdlərin məbləği bilindi - Rəsmi

Ofşor şirkətindən ödəmə və Əhməd Əhmədzadənin oğluna məxsus milyonluq mülk

İtkin düşmüş hesab olunan hərbi qulluqçularımızın taleyi ilə bağlı rəsmi açıqlama

loading...

Ən çox oxunanalar