Cümə, 29 Mart 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Kürdəmirdə ana və körpənin müəmmalı ölümünün təfərrüatı

Faktla bağlı Kürdəmir rayon prokurorluğunda cinayət işi başlanıb...

Azərbaycanın Kürdəmir rayonunun Şüşün kəndində ana və övladının ölümü çoxlu suallar doğurub. Faktla əlaqədar yaradılan istintaq-əməliyyat qrupu fevralın 22-də gecə baş verən faciəni aydınlaşdırmağa kömək edəcək məhkəmə-tibbi ekspertizasının nəticələrini gözləyir.

Həmin gün Şüşün kəndində quyudan Leyla Cəfərovanın (1998-ci il təvəllüdlü) cəsədi tapılıb. Evdə isə onun yaş yarımlıq oğlu Hilalın meyiti aşkarlanıb.

Faktla bağlı Kürdəmir rayon prokurorluğunda cinayət işi başlanıb.

L.Cəfərovanın cəsədi qayınanası tərəfindən tapılıb. Səhər saatlarında qadın dərinliyi bir metrdən bir az artıq olan quyudan su çəkmək istəyərkən gəlininin cəsədini tapıb.

Qayınanası L.Cəfərovanı quyudan çıxararaq süni tənəffüs tətbiq etməyə çalışıb, lakin bu, heç bir nəticə verməyib. Elə həmin vaxt körpə Hilalın öldüyü məlum olub.

Məlumdur ki, ana və uşağın cəsədlərində zorakı ölüm əlamətləri müəyyən edilməyib. Hadisə yerinə gələn kriminoloqlar L.Cəfərovanın əlində ölümlə nəticələnməyəcək kiçik kəsik izi aşkar ediblər.

Hüquq-mühafizə orqanlarının əməkdaşları quyunu qurudublar və onun dibində vinil plastik parçası tapıblar. Suya yıxılan qadının bunun vasitəsilə kəsik yarası ala biləcəyi ehtimal edilir.

Hüquq-mühafizə orqanlarının əməkdaşları qətl ehtimalını da istisna etməyiblər, lakin indiyə qədər bu faktla bağlı heç kim saxlanılmayıb.

L.Cəfərovanın həyat yoldaşı Orxan Qəmbərov ilkin dindirmədə hadisə baş verən zaman yuxuda olduğunu və buna görə nə baş verdiyini bilmədiyini deyib. Kişinin dediyinə görə, onu yuxudan oyadaraq həyat yoldaşı və uşağının öldüyünü bildiriblər.

O vurğulayıb ki, arvadı həmişə daha əvvəl yuxudan qalxaraq səhər yeməyi hazırlayar, sonra isə onu oyadardı.

L.Cəfərova və O.Qəmbərov əmi uşaqlarıdır. Onlar dörd il əvvəl evləniblər. Cəfərovanın valideynləri əslən Şüşün kəndindən olsalar da, Kürdəmir şəhərində yaşayırlar.

Uşağa gəlincə, əldə edilən məlumatlara görə, o, bağırsaq keçməzliyindən əziyyət çəkirdi və bir müddət əvvəl əməliyyat olunub. Son aylarda uşaq özünü yaxşı hiss edib. Kənd sakinlərinin sözlərinə görə, ölümündən bir gün əvvəl Hilal babası ilə evin yaxınlığında topla oynayıb.

Qonşular Leyla Cəfərova və Orxan Qəmbərovun bir-biri ilə yaxşı münasibətdə olduğunu deyiblər. Yerli sakinlər onları sakit ailə kimi tanıyıb.

Qeyd edək ki, ana və uşağın yumşaq toxumalarının və qanının nümunələri Məhkəmə Tibbi Ekspertiza və Patoloji Anatomiya Birliyinin histoloji laboratoriyasına göndərilib.

Xatırladaq ki, daha əvvəl mediada 1977-ci il təvəllüdlü Leyla Qəmbərovanın öldüyü barədə məlumat yayılmışdı.

Bildirək ki, Cəfərova Leylanın qızlıq soyadıdır və o, 1998-ci il təvəllüdlüdür.

pia.az




Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

“Verdiyi koordinatlar o qədər dəqiq idi ki...” - Döyüş yoldaşları Milli Qəhrəman haqqında - Video

BMT Baş katibi azərbaycanlı diplomatı yüksək vəzifəyə təyin edib

Uçot dərəcəsi endirilir, amma kredit faizləri azalmır. Nədən...

Məşhur avtomobil markasının Azərbaycanda istehsalına başlanıldı    

Bakıda “Prius”ların kütləvi satışına başlanıldı - Foto    

Fələstinin yeni xarici işlər naziri ermənidir...

Alen Simonyan və Sahibə Qafarova arasında keçiriləcək növbəti görüşün tarixi məlum olub

Şəkidə 26 yaşlı gənc sirkə turşusundan zəhərlənib

Aygün Kazımova ilə Namiq yenidən məşhur dueti oxudu - Video

Ən çox oxunanalar