Fransa prezidenti Emmanuel Makronun müsəlmanlara yönəlik ksenofob fikirlərindən sonra Rusiyada onun söylədiklərinə qahmar çıxanlarla İslam dininə etiqad edən ictimai xadimlər və tanınmış simalar arasında mübahisə qızışıb.
Məsələn, ölkənin məşhur teleulduzlarından Kseniya Sobçak bu günlərdə Çeçenistan rəhbəri Ramzan Kadırıovla qiyabi mübahisəyə girişərək onu “dəyərlərə qəsd olunmasına mübarizə” adı altında “orta əsr təfəkkürü ilə hərəkət etməkdə” suçlayıb.
Musavat.com xarici agentliklərə isitnadən xəbər verir ki, Ramzan Kadırovun sərt şəkildə “terrorizm lideri” adlandırdığı Emmanuel Makronu Kseniya Sobçak “əsl qəhrəman” deyə təqdim edib.
Bundan sonra teleaparıcı və onun komandası ünvanlarına müxtəlif təhdidlər gəldiyini bildirib.
Qeyd etmək lazımdır ki, Kseniya Sobçak döyüşçü Həbib Nurmaqomedovu da “instagram” səhifəsində Emmanuel Makrona sərt şəkildə reaksiya verməsinə “dil uzadıb”.
Bütün bunlar Rusiyanın İslam dininə etiqad edənlərin üstünlük təşkil etdiyi respublikalarda teleaparıcıya qarşı kütləvi neqativ reaksiyaların gəlməsinə səbəb olub.
Çeçenistanın gənclərlə iş üzrə nazirinin müavini Cəbrail Əbdülvahabov 2018-ci ildə Kseniya Sobçakın Qroznıda eşitdiyi təhqirlərə layiq olduğunun indi sübuta yetirildiyini bildirib.
Rusiyanın qarışıq döyüş növləri üzrə çempionu, məşhur idmançı Maqomed İsmailov da özünün “Youtube” kanalında Kseniya Sobçaka xüsusi video həsr edib və onu “çirkin, səfeh heyvan” adlandırıb. Maqomed İsmailov söz azadlığının da bir hüdudu olduğunu dilə gətirib.
pia.az
Digərxəbərlər
Populyar xəbərlər
