Rusiya Krımda hərbi hissədə sursat anbarında baş verən partlayışı diversiya adlandırıb.
APA TASS-a istinadən xəbər verir ki, bu barədə Rusiya Müdafiə Nazirliyinin açıqlamasında deyilir.
Nazirlik elektrik stansiyası, dəmir yolu və yaşayış evləri də daxil olmaqla, bir sıra infrastuktura zərər dəydiyini bildirib.
***
Rusiya Müdafiə Nazirliyi Krımın Canköy rayonundakı hərbi hissədə baş vermiş partlayışı təsdiqləyib.
“Report” TASS-a istinadən bildirir ki, bu barədə nazirlikdən məlumat verilib.
Qeyd olunub ki, hadisə nəticəsində ciddi itki olmayıb. Hazırda yanğının söndürülməsi istiqamətində işlər davam edir:
“Hadisənin səbəbləri araşdırılır”.
***
Bu gün Krımın Canköy rayonunda ikinci partlayış baş verib.
“Report” “RBK Ukraina”ya istinadən bildirir ki, ərazidəki transformator yarımstansiyasında da partlayış olub.
Xatırladaq ki, daha əvvəl Rusiyaya məxsus silah-sursat anbarında partıayış, ardınca yandığı barədə məlumat yayılmışdı.
***
Krımın Canköy rayonunda Rusiyaya məxsus hərbi hissədə partlayış baş verib.
“Report” UNIAN-a istinadən xəbər verir ki, bu barədə Krım Tatarları Məclisinin sədri Refat Çubarov məlumat verib.
Onun sözlərinə görə, partlayışdan sonra ərazidə yanğın başlayıb.
Belə ki, Rusiya Silahlı Qüvvələrinin silah-sursat anbarının yandığı qeyd olunub.
Hazırda yanğın davam edir.
Xatırladaq ki, bundan əvvəl Krımda hərbi aerodomda da partlayış olub.
pia.az
Digərxəbərlər
Populyar xəbərlər
