“Cəbhədə baş verənlər, ölkədaxili, xarici o qədər hadisələr baş verdi ki, koronavirus təhlükəsi hamımızın yadından çıxdı. Ancaq virus heç yerə getməyib və canları almaqda davam edir”.
PİA.az-ın xəbərinə görə, bunu tanınmış hüquqşünas Aslan İsmayılov deyib.
A.İsmayılovun sözlərinə görə, ən dəhşətlisi isə odur ki, artıq bu bəla gənc oğul, qızları da aparır: “Burada bir məqamı xüsusi qeyd etməliyəm. Son günlər sosial şəbəkələrdə koronavirusa yoluxanların, bu bəladan dünyasını dəyişənlərin bir sıra tanınmışların, vəzifəlilərin qohumlarının adlarının altında şadyanalıq edənləri, zarafatlaşmaları gördüm. Bu hala çox üzüldüm. İnsanların öz həmvətənlərinə (kimliyindən asılı olmayaraq) olan nifrətin bu həddə olması böyük fəlakətdir. Bu yerdə görkəmli rus yazıçısı Anton Çexovun məhşur ifadəsini xatırladım: "Daxilinizdəki insanı qoruyun". Ancaq görünür, biz artıq dahi Bəxtiyar Vahabzadənin dediyi dövrana qədəm qoymuşuq: "Qorxuram dünyada bir zaman gələ, insanlar yaşaya, İNSANLIQ ölə...".(Pravda.az)
pia.az