Keçən il təhsil sahəsinə ayrılan 50 milyon manata qədər vəsait xərclənməyib

Keçən il təhsil xərcləri üçün proqnozlaşdırılan vəsait 2 milyard 12 milyon 959,5 min manat olsa da, bu sahəyə 1 milyard 966 milyon 604,2 min manat xərclənib.

Beləliklə, təhsil xərcləri proqnozlaşdırılandan 46 milyon 355,3 min manat, yəni 2,3 faiz az olub. Bununla belə, 2017-ci illə müqayisədə 2018-ci ildə təhsil xərcləri 12,8 faiz çoxdur. Əgər 2017-ci ildə təhsil sahəsinin xərcləri 1 milyard 742 milyon 690,4 min manat olubsa, 2018-ci ildə bu sahəyə 233 milyon 913,8 min manat çox, yəni 1 milyard 966 milyon 604,2 min manat xərclənib.(ONA)

pia.az