Kaliforniyanın San Joze şəhərində Novruz bayramı ilə əlaqədar genişmiqyaslı tədbir keçirilib
Bu barədə musavat.com saytına Kaliforniya Azərbaycan Mədəniyyət Evinin rəhbəri Həmid Azəri məlumat verib. Kaliforniyada yaşayan azərbaycanlıların, habelə ordakı türk xalqları nümayəndələrinin iştirak etdiyi bayramda bir çox iştirakçılar, eləcə də təşkilatçılar milli geyimlərdə olublar. Bundan başqa, tədbir zamanı Novruz təamları, şirniyyatları, milli yeməklər də bayram süfrəsində yer alıb. Tədbirdə eyni zamanda amerikanlar da iştirak edib.
H.Azəri qeyd edib ki, növbəti illərdə by bayram tədbiri qapalı məkanlarda yox, açıq yerlərdə, festival kimi keçiriləcək. Müsahibimizin sözlərinə görə, məqsəd Novruz bayramını yerli əhaliyə daha çox sevdirmək, onları da bu qutlamalara cəlb etməkdir.
pia.az