Yağışın günün sonunadək yağacağı proqnozlaşdırılır
İstanbulun Pendik rayonunda güclü yağış nəticəsində məktəblərdən birinin zirzəmisini və birinci mərtəbəsini su basıb.
Pia.az Trend-ə istinadən bildirir ki, bununla əlaqədar olaraq məktəbdən uşaqlar təxliyə edilib.
Bundan başqa, təhlükəsizlik məqsədilə bölgədəki uşaq bağçaları da təxliyə olunub. Bir sıra mağaza və müəssisələri də su basdığı deyilir.
Xatırladaq ki, bir neçə gün əvvəl paytaxt Ankarada 3 nəfər şiddətli yağışın törətdiyi daşqının qurbanı olmuşdu.
pia.az