Çərşənbə, 11 Dekabr 2019
USD : 1.7
EUR : 1.8724
Hava
+25 ° Baku
+19 ° Quba
+12 ° Qusar
+24 ° Gəncə
+16 ° Lənkəran
+23 ° Naxçıvan
+26 ° Salyan
+23 ° Şəki

İsraildə hökumət qurmaq mümkün olmur

İsraildə yeni hökumətin qurulması düyünə düşüb, daha bir növbədənkənar parlament seçkisi ehtimalı var...

Bu il aprelin 9-da keçirilmiş parlament seçkisində indiki baş nazir Benyamin Netanyahunun Likud Partiyası üstün gəlsə də, hökumət qurmaq mümkün olmayıb və parlament özünü buraxaraq təkrar seçkiyə qərar verib.

Sentyabrın 17-də yeni parlament seçkisi keçirilib. Nəticələrə görə, Beni Qantsın liderlik etdiyi müxalif Kahol Lavan bloku parlamentə 33 mandatla düşüb. Likud Partiyası 32 mandat götürüb.

Hökumət qurmaq üçün 120 nəfərlik parlamentdə 61 mandat tələb olunur.

17 sentyabr seçkisinin nəticələri təsdiqlənəndən sonra yeni hökumətin qurulması Benyamin Netanyahuya həvalə olunub. Baş nazir bu işin öhdəsindən gələ bilmədiyi üçün prezident Reuven Rivlin hökumət qurmağı Beni Qantsa tapşırıb. Onun hökumət qurmaq üçün vaxtı noyabrın 21-də bitib.

Benyamin Netanyahu və Beni Qants koalisiya danışıqlarının baş tutmamasında bir-birlərini günahlandırırlar.

Parlamentdə 5-13 mandat arasında təmsilçiliyi olan daha 7 siyasi qüvvə yer alır.

1949-cu il təvəllüdlü Benyamin Netanyahu 2009-cu ildən baş nazirdir. O, 1996-1999-cu illərdə də hökumətə rəhbərlik edib.(novator.az)

pia.az

Şahidi olduğunuz hadisələrlərlə bağlı məlumatları, foto və videoları bizim whatsapp nömrəmizə yollamağınızı xahiş edirik: 0554231627

Etiket: İsrail


loading...

Ən çox oxunanalar